(((نوحه شور: قمر بنی هاشم حضرت ابوالفضل العباس(ع)
(((نوحه شور: قمر بنی هاشم حضرت ابوالفضل العباس(ع))))
اثر مرحوم :حاج محمد حسین جنتی مقام متخلص به(صحاف)اهل تبریز
که معمولا در روزهای تاسوعا و عاشورا خوانده میشود
یانام باخارام بو یارالی پیکره قارداش
خندان گوله بنزر داغلوب چو للره قارداش
جسمونده چاتوب باشباشا سنبل کیمی قارداش
وار هانسی چمنده بیله خوش منظره قارداش
***
دور گور نه قیامتدی بو گون خیملریمده
یردن اوجالوب ناله سسی گویلره قارداش
یاتدی علمون سیندی بلیم چارم آزالدی
ایوای منه وای عترت پیغمبره قارداش
***
دشمنلر ایچینده گوروسن یالقوزام ایندی
دور ایله حمایت من،بی یاوره قارداش
دعوا گونی سن شیریدون ای شیر شجاعت
سن وارثیدون شیر خدا حیدره قارداش
***
دور ال اله شمشیریوی دشمن قاباقین کس
ای غالب اولان جنگده بیر لشکره قارداش
آیا بو او الدور هامی اللردن اوجیدی
قطع ایتدی قضانین الی سالدی یره قارداش
***
بیر گون قورولار محکمه عدل الهی
قهریله دگر ارض و سما بیر بیره قارداش
فریاد او گون داد او ساعتدن ابوالفضل
بو اللری زهرا گتوره محشره قارداش
***
بیر اوزگه قیامت اولی محشر گونی برپا
باخدوقجه آنام فاطمه بو اللره قارداش
چون امته اسباب شفاعت بو اللر
محبوبیدی درگاه حق داوره قارداش
***
قیلام بو کسوک اللرینه منده شفاعت
محشر گونی صحاف الم پروره قارداش
نویسنده رحیم سهرابی از تبریز
منبع: http://khoban.persianblog.ir
------------------------------------
(((نوحه شور :نجه قان آغلاماسین داش بوگون)))
اثر مرحوم: محمدحسین جنتی مقام متخلص به صحاف
نجه قان آغلاماسین داش بو گون کسیلیب یئتمیش ایکی باش بو گون
توکولوب توپراقا باشسیز شهدا کربلا دشتی اولوب کوه منا
موج ایدر قانیله دریای بلا نجه قان آغلاماسین داش بو گون
بو همان گوندی باتوب یاسه جهان بویانوب قانه سوسوز پیر و جوان
انبیالر باش آچوب آغلیری قان نجه قان آغلاماسین داش بو گون
بو همان گوندی سولوب دین چمنی سارالوب سرو و گل و یاسمنی
قطعه قطعه اولوب اکبر بدنی نجه قان آغلاماسین داش بو گون
ویردی لیلایه خبر شاه زمن اکبرون گلدی گل ای کان محن
بیر عبانین دولوسی قانلو بدن نجه قان آغلاماسین داش بو گون
طوی دوتوب قاسمه شاهنشه دین ایتدیلر بزم عزا حجله گهین
یاخدی قانیله حنا تازه گلین نجه قان آغلاماسین داش بو گون
نجه طوی ناله سماواته سالوب ناله داماد آناسندان اوجالوب
بدنی آتلار ایاقینده قالوب نجه قان آغلاماسین داش بوگون
حرمله آلدی اله تیر و کمان اصغرین حلقین ایدوب تیره نشان
ایچدیروب سو یرینه قرمزی قان نجه قان آغلاماسین داش بوگون
کسدی اشرار دنی سو یولونی تشنه سقانون آلوب صاق صولونی
هم صاقین سالدیلا هم صول قولونی نجه قان آغلاماسین داش بوگون
سالدی دنیایه شرر شمر دنی کسدی عطشان سر شاه زمنی
قالدی باشسیز قوری یرده بدنی نجه قان آغلاماسین داش بوگون
سنده صحاف ایله شور و فغان مطلبون تا ویره خلاق جهان
بو گوزل مطلعی قیل بیرده بیان نجه قان آغلاماسین داش بو گون
*****************************
مطالب مشابه :
نوحه ترکی , متن نوحه ترکی
نوحه ترکی , متن نوحه ترکی قان یاغدی کربلایه , صحرایه یا محمد اولدی حسین خبر ور, زهرایه یا محمد
متن ودانلودگلچین نوحه های آذری ترکی:احوالات حضرت ابوالفضل و زبانحال امام حسین علیه السلام مدح حضرت
متن ودانلودگلچین نوحه های آذری ترکی:احوالات حضرت ابوالفضل و زبانحال امام متن و دانلود
متن شعر و نوحه گلچین ترکی
حضرت ابوالفضل (ع) نوحه‌سی برچسب ها : متن نوحه ترکی | مرجع دریافت ابزار و قالب وبلاگ |
دانلود نوحه های جدید ترکی و آذری ویژه محرم 89
دانلود نوحه ترکی وداع حضرت ابوالفضل با صدای مهدی خادم نوحه محرم; شعر و متن
باشدان
متن نوحه ترکی،متن نوحه فارسی زیاد مذهبی نیستم,ولی اعتقاداتم به مسایل مذهبی و حضرت
متن نوحه ترکی
شعرترکی حضرت ابوالفضل منی ترک ائدیب گئدیرسن هارا ای وفالی قارداش سنیلن گئدیر منیمده
متن نوحه های ترکی آذری
مجموعه نوحه های ترکی در مورد روضه ی حضرت ابوالفضل متن نوحه های ترکی ودانلود کتاب
دانلود نوحه ترکی
دانلود نوحه ترکی - - عاشقان حضرت اباالفضل زیارت نامه حضرت ابوالفضل متن کامل زیارت
متن نوحه
نوحه های ترکی منصوری متن نوحه گلدیم هرایه قارداش ، ای قهرمان ابوالفضل.
(((نوحه شور: قمر بنی هاشم حضرت ابوالفضل العباس(ع)
قمر بنی هاشم حضرت ابوالفضل العباس(ع) متن نوحه های ترکی ودانلود کتاب نوحه
برچسب :
متن نوحه ترکی حضرت ابوالفضل