نام نوحه : زبان حال امام حسین به قمر بنی هاشم اثر: کریمی مراغه ای
ویر خبر قارداش دایانسون بو غریبون کاروانی
اندیرون یکسر بو یرده عترت آل عبانی
کربلا چوخ باصفا دور
کربلا کوی وفا دور
شیعه‌نین ورد زبانی
کربلا دور کربلا دور
گرچی قربانگاه اصلی روز ازلدن منا دور
بو یرون وار اختصاصی منبع فیض خدا دور
طور سینا دور بو صحرا یا دیار کربلا دور
دولدوروب صوت اناالحق بو دیار غم فزانی
وار خلیلون افتخاری بیر فدا کسدی مناده
من گرگ یتمیش ایکی قربان ویرم بو نینواده
بو هوای عشقیله باشیم گزر نوک جداده
زینبیم اَرِنی دینده سسلرم من لَن ترانی
بو همان یردور که جدّیم ایلیوب اوّلده اعلان
سویولون باغلار یوزیمه ظلم الیله آل سفیان
اصغریم قنداق ایچینده اوخلانار عطشان ویرر جان
سرخ رنگ ایلر بوغازیندن آخان قان آسمانی
زینبه بولدورمه قارداش یتمشوخ کرب و بلایه
گر ایشیدسه نینوا آدین گلر نی تک نوایه
چون بولور گوگلی بویرده توش اولار تیر بلایه
قولّارین باغلار اراذل اوج ایدر عرشه فغانی
سینمه دشمن بو چولده داغی داغ اوستن چکللر
سن کیمی قارداش غمینده قدیمی قارداش بوکللر
حقی اثبات ایتماق اوسته قانمی ناحق توکللر
خانه ویران ایلر اعدا خاندان مصطفانی
بو همان یردی کی دویماز زینبیم آه و نوادن
باشیمی لب تشنه آخر ذبح ایدر قاتل قفادن
سینم اوسته سینه داغلار ساچ یولار زینب وفادن
سولدورار باد مخالف بو صفالی گلستانی
مایلم قالسون قوم اوسته قانلی نعشیم با حقارت
ایلسون باشیم جداده، آیه‌ی کهفی تلاوت
تا جزاده شامل اولسون حالمه اذن شفاعت
تا چکم اوتدان کناره آغلیانی آغلادانی
کربلا چوخ باصفا دور
کربلا کوی وفا دور
شیعه‌نین ورد زبانی
کربلا دور کربلا دور
نام نوحه : سینه‌زنی ورود به کربلا اثر : کریمی مراغه ای
اولماقا آماج بلا گلورم کربلا
خاکون ایدم لعل و طلا گلورم کربلا
کعبه نی حیرتده قویوب حسناتون سنون
وادی سینادی مگر عرفاتون سنون
زمزمی شرمنده ایدر بو فراتون سنون
سنده ایدم سعی و صفا گلورم کربلا
هاردا منانون بو قدر شرف و شأنی وار
اصغر شش ماهه کیمی قوزی قربانی وار
هانسی خلیلین دیه گوروم، بله امکانی وار
تشنه ذبیحاً به قفا گلورم کربلا
سنده سپهرین گونی تک باتارام کربلا
اصغری آلّام سینمه باتارام کربلا
اوز قانیمی توپراقووا قاتارام کربلا
تا اولاسان خاک شفا گلورم کربلا
سنده امانت گمیسین سالاجاقلار گِله
باب الحوائج بالاسی دوشه جاق مشگله
سنده عشایر ساتاجاق سویی بیر جوت اله
ویرماقا عباسی فدا گلورم کربلا
سنده دمادم آخاجاق یوزومه گوز یاشیم
اوغلوم الیمدن گیده‌جاق اُله جاق قارداشیم
عزتّلن الدن اله دوشه جاقدیر باشیم
اولماقا تسلیم قضا گلورم کربلا
سنده رقیّم سولاجاق اولاجاقدیر یتیم
سنده قورام بزم عزا گلورم کربلا
سنده آخار زینبیمون یوزه اشگ تری
غارته زهرا قزینون گیده‌جاق معجری
سینوی آچ باغریوا باس یارالی پیکری
ساخلا منی صبح و مسا گلورم کربلا
مطالب مشابه :
مجموعه 20 متن روضه و سینه زنی اربعین + دانلود سبک
متن نوحه واحد سنگین اربعین سرخوشم زائر کوی توام یا حسین دین و ایمان من بهتر از جان من
چند نوحه ی زیبا از مداح تبریزی حاج ابراهیم رهبر
حسین آرام جانم حسین روح و روانم دانلود نوحه ی ( رخساره حسین پروانه منم من ) زائر کوی
متن سه نوحه
به جز نوحه اربعین، متن سه نوحه دیگر پایانِ محرم و صفر و عزاداری امام حسین من زائر کوی
کلیپ صوتی زیبای "حضرت سید علی" با صدای برادر میثم مطیعی
متن. خبر. تحليل زائر کوی حسین، گشته دل و جان ما. بسته به موی حسین، حال پریشان
دانلود نوحه های هیئت فهادان دارالعباده یزد با صدای حسین سعادتمند
دانلود نوحه های هیئت فهادان دارالعباده یزد با صدای حسین سعادتمند راهیان کوی
نوحه های محرم ( ترکی )
حسین آرام جانم حسین روح و روانم - نوحه های محرم زائر کوی
نام نوحه : زبان حال امام حسین به قمر بنی هاشم اثر: کریمی مراغه ای
نام نوحه : زبان حال امام حسین به قمر بنی هاشم اثر: ای زائر شکسته دل متن نوحه های ترکی
اشعار زیبا
حسین آرام جانم حسین روح و روانم نوحه های محرم زائر کوی
برچسب :
متن نوحه زائر کوی حسین