چند شعر زیبا از استاد جعفری زاویه

 

 افتخاريم   بودي   تُركمممممم 

 

 افتخاريم   بودي   تُركم  ، ديليم   آذر  ديليدي

ديوسوز هرنه ديون ، تُركه بو  ديل  سئوگيليدي

دَده قورقوددي دَدَم ، سازي باسوب  سينه سينه

سازينون  پرده لَري ، خلقه ، ايپَك  تك  تِليدی

 

قهرمان   بابكيميز   واردي   آدي   ذروَه ده دي

ديَه بيلَّم   كه  اوزي  تك ليگينه ،  مين  ائليدي

 

سارا   عصمتلي  گلين لَر    بِجَريب   آذر   ائلی

عِصمَتين  حِفظ   اِئلماقليقدا  ،   پَناهي   سِئليدي

 

خان  چوبانلار   واريميزدي ،  نبي لر ،  دُمْرُل لَر

هَر   بيري  تُرك  ائلينون  زحمتينون  حاصليدي

 

شهريار تركيدي، سعي ايلَمه سن فارس ائده سی

او   اَدَب  گُلشَنينون   ايچره   سولونماز  گُليدي

 

تُرك   دانماز  ديليني ،  بَلكه   اونا   فَخر   ائليَر

ديليني  دانسا  بيري ، سَن  ديري  سانما ، اُليدي

 

قوچ كور اوغلي، دَلي ايوازي تانور تُرك اوشاقي

گر چه   مسكن   اولارا ، داغ  آرا  چَنلي بئليدي

 

ساتقين اولما ، ديلووي ساتما آماندور يليگ اول

فارسي   اورگَتمَك  اوشاقه  بو  ديلين  قاتليدي

 

فارسيني   اورگَشَجَكدور   اوشاقون   جامِعَه دَن

گوزَل ايرانيميزين ، فارسي كه  رَسمي  ديليدي

 

اِئوده باري اوشاقونلان ، گوزَليم تُركجَه  قونوش

دئمَه سين بيرگون او،تُركي ديلي،چوخ مُشگليدي

 

دَرد  دانيشديردي گنه ((جعفري))ني  نيلَه مَه لي

بوني ياخشي  بيلورَم ، سَن  ديَه جَكسَن  دَليدي



گؤزَلیم

 

آی دئسم گر سنه ؛ آیداندا گؤزَلسَن گؤزَلیم

قالموشام که سنه آیا  نه دیوم  مَن ؟ گؤزَلیم

 

آی   سَنون  آستانوی  اُپسَه  اَگَر  فَخر  اِئلیَر

یِری وار  آیدا  سنه  سؤیلیَه : اَحسَن   گؤزَلیم

 

نه دیور قوی  دیَه زاهد ؛ اوزونی  یورمادادی

ائلَمَز    منده    اَثر    پند    برَهمَن     گؤزَلیم

 

من او گوندن که سنه قلبیمی وئردیم بیلوسن

قولاغیم کَردی؛گوزوم کور؛دیلیم اَلکَن  گؤزَلیم

 

طورِ   سَیناده   تَجَلّایه  چیخان  وقتیده   سن

یر یوزی  منچون  اولور  وادیِ  ایمَن   گؤزَلیم

 

سنده انصاف ائله؛آل کونلومی بیر باخماقیلان

یا که قوش مثلی منه سَپْمَگیلَنْ  دَن   گؤزَلیم

 

گوزلَریم  یوسف  زَهرا  سَنی بیر  دَفعَه گورَه

غم  ائدَنمَز  داها  قلبیم  آرا  مَسکَن   گؤزَلیم

 

طعنه ویردی گئچن آخشام بیری؛زار عاشقوَه

منه سَسلَندی که عاشقلیگی  اورگَن   گؤزَلیم

 

یاریلَن   اَل  اَلَه  بیر   گُلشَن   آرا   باهَمیدی

جَنَّت اولموشدی او ساعت اونا گُلشَن  گؤزَلیم

 

طَعنه سی بو یارالی قلبیمی اوخ مثلی  یاروب

اِیلَسَم   عُمر  بویی  وار  یری  شیوَن   گؤزَلیم

 

نه   اولار  بو   یارالی  قلبیمه  مَرهَم  قویاسان

گتیروب   جانه   منی  طعنة  دشمَن   گؤزَلیم

 

دِئمورَم  جعفرینون  دوت  اَلینی  گُلشَنی  گَز

گؤزونه گؤرسَن اونون  بیر  یول  اَقَلَّاً  گؤزَلیم

 

؛ پنجشنبه 8/2/1390؛ جعفری زاویه

عاشق نجه اولمالی ؟؟؟

 

 

عاشق اولان انسان  گئجه  راحت  یاتا  بیلمز

 معشوقه سینون   فکرینی  باشدان  آتا  بیلمز

 

 مجنون دئمَرَم هر کسه که  اوستونی  جیرسا

 هر   بی  سر  و  پا  دشت  جنونه  چاتا  بیلمز

 

 عاشق  اودی  جانین   وئره  معشوقه  یولوندا

 جان   وئرمَسَه   عاشقلره   آدین   قاتا  بیلمز

 

 آغلار  گوزومه   رحم    ائلمز   آیدا   سماده

 آغلار  گوزومی  گورمَسَه  آی دا    باتا بیلمز

 

 ساتسون  منی  قول تک ، اونادا   راضیام   امّا

 هئچ بیر داش اورک عاشق زارین ساتا بیلمَز

 

  16 آبان 1390 (روز عید قربان) ، جعفری

 

 

 


مطالب مشابه :


معرفی روستای علاالدین

کوه پیر عباس روستای ناطور - معرفی روستای علاالدین - این وبلاگ جهت معرفی روستای ناطور می باشد.




اشعار اقای دهقان نورانی ناطور

کوه پیر عباس روستای ناطور - اشعار اقای دهقان نورانی ناطور - این وبلاگ جهت معرفی روستای ناطور




تصاویر

کوه پیر عباس روستای ناطور - تصاویر - این وبلاگ جهت معرفی روستای ناطور می باشد. - کوه پیر عباس




چند شعر زیبا از استاد جعفری زاویه

کوه پیر عباس روستای ناطور - چند شعر زیبا از استاد جعفری زاویه - این وبلاگ جهت معرفی روستای




پمپاژ آب به 38 هکتار از باغات روستاي ناطور

کوه پیر عباس روستای ناطور - پمپاژ آب به 38 هکتار از باغات روستاي ناطور - این وبلاگ جهت معرفی




روستای علاءالدین همسایه مشکول

مشکول آنایوردوم - روستای علاءالدین همسایه مشکول - وطن يعني هويت ، اصل ، ريشه روستای ناطور.




دیدار مردمی ایرج ندیمی با مردم روستاهای شکاکم و ایشکا

روستای شکاکم - دیدار مردمی ایرج ندیمی با مردم روستاهای شکاکم و ایشکا روستای ناطور.




آموزش اصولی روش تولید کود آلی به زنان روستای شکاکم

روستای شکاکم - آموزش اصولی روش تولید کود آلی به زنان روستای شکاکم روستای ناطور.




برچسب :