غزل هورامی

ئـانـا و‌ه‌هـــارا دڵ کـه‌رۆ ، شـارۆ چــه‌مـــا‌و  ئــا دڵبـه‌را

پژگـێ وه‌‌شیمــا کـه‌ی گنۆ ، ئێمه‌ جه باڵاو  ئه‌خته‌را ؟

ڕه‌نگیـن کـه‌وا ، کریا ‌وه‌رش ؛ دریا‌ به شارێ عه‌نبه‌رش

ماچی هه‌راڵه‌ن په‌یکه‌رش ؛ وه‌ختێ حـه‌گاڵش لابه‌را

سـووری لچا ماچی گۆڵا ؛ ده‌نگــش هه‌ناســه‌و  بڵبڵا

ئینــه گــۆڵا یا کوو دڵا ؟ کــه‌وته‌ن قــه‌راخوو  په‌نجه‌را

سۆتا ؛ ته‌ماشێوه‌م که‌رۆ ؛ یه‌ک له‌حزه نامێـوه‌م به‌رۆ

که‌ی واته‌نم خه‌مماوه‌رۆ ،ده‌رده‌ش گنۆ  گردوو سه‌را 

شۆڵێوه دانش کاوه‌که‌ی ؛خشپه‌و چه‌ما وه‌رواوه‌که‌ی

یاوه‌ێنه‌ وه‌شبۆ ساوه‌که‌ی ؛به‌شما مشۆ تا که‌ی وه‌را 

دڵ بی به تاڵی لابه‌رش ؛ چه‌م بی به‌ئامه‌شۆ  که‌رش

 دار و ده‌وه‌ن گژیا سه‌رش  ؛ مــن که‌وته‌نا  پاڵوو ‌به‌را 

با پێســه من خــه‌مبار بوو ؛ ئاواره بــوو‌  بێ یار  بـوو

مه‌په‌رسه جه من یانه‌تا چکۆن

                             من یانه‌م نیــــــا یاگه پاڵاو تۆن

ده لاقه‌و چه‌مام  دریانه‌ره وار

                           که‌سی مه‌وینوو بێتۆ دیده‌م کۆن؟

حه‌ریره‌ی که‌وه‌ت دان قژاته‌ره

                             بێ دیذار‌ووتۆ دڵـــــم‌ ره‌نجه‌ڕۆن

 هه‌وره‌ێ بێواده ده‌سێت په‌ی‌ شانۆ

                              وارانش نیا  مه‌ته‌رسه  ، په ڕۆن

  مانگه‌ی پێسه‌تۆ، ئاسمانێ ساف

                             ته‌ژنێوه‌ چۆن من بێسه‌روو بێشۆن

خه‌زانم یاوان گه‌ڵام په‌و نه‌مه‌ن

                            باخوو  ئاره‌زوویم چن بێڕه‌نگوو بۆن؟

کۆ بلوو بێتۆ گرد یاگێم تۆنی

                            یانه‌م چکۆ بی وه‌ختێ هینوو تۆن ...!


 

 

با بێ  گــوڵ و گـوڵزار   بوو   به‌ڵکم  عیاده‌تما   که‌را

وه یوه و وه هاری

شه‌ماڵ  هۆر بێزه بۆ په‌ی دیذاری

                      په لکێ پێکنۆوه کناچێ ڕووجیاری

قه‌ڵه‌م کێش بیه‌ن ساراو ده‌شتوو ده‌ر

                      مازی  زمسانیش ماڕان  کۆساری

 هه ڵسی زمسانی  یاوێنێ  ده‌ره

                      چه‌مه‌ن بی ماواو گه‌شتوو گۆزاری

ده‌سه‌ی وه‌نه‌وشه‌ی که ۆتێنێ سارا

                      چه‌مێش که‌ردێنه‌ی چرۆ و هه‌ناری

خۆنچێ  کڵاوێشا که‌ردێنێ سه‌ره

                      مه‌یاوی    پۆره   ڕه‌نگه‌ی   بژماری

یۆ که‌وه یۆ سوور یۆ  زه‌ردی شێڵه

                      هه‌ر یۆ  به   جۆره‌ی  که‌را  دڵداری

بڵبڵ به  ته‌حریر ،کاوه‌تر   به ناز

                     جلێشا    که‌رده‌ی    باڵاو   چناری

چه‌مه‌ن  ڕازیاو   کۆسار ئاماده‌ن

                     تا  بارا   یانه    وه‌یو‌ه‌و    وه هاری

 

 

بێکه‌سی

ئه‌ی‌دڵ تۆ که‌رده‌ن شارێ خه‌م ،بارم 

چی دات به چه‌ماش داروو   نه‌دارم ؟

 چی جه‌ویرت  به‌رد جه‌فای وه‌ڵینش

به خۆوه‌ش  کێشێ  ڕۆ جه   ده‌مارم

سیاو   واو   قژاش   به‌ردا   قه‌راخێ

حیچکۆ    نه‌یاوا    ناڵه   و    هاوارم

زمسانوو   لچاش   وستا   کۆسارێ

گه‌رماو   ڕووجیاریچ    ناما    به‌کارم

ده نگم   نه‌یاوا    لا‌و    ده‌سه ڵاتی

بێکه‌س   که‌وتانێ   نه‌مه‌ن قه رارم

چی  وستات  دلێ  یانه‌و  مه‌ینه‌تا ؟

وه‌نه‌م   بی زیننان   دێهاتوو  شارم

ئیسه بۆ گێڵه‌و   وه‌سێن   خه‌مباری

زانوو  که‌س  مه‌بۆ  تا به ‌سه‌ر  یارم 

هـــانێــوه ئینـا میـــاچــــه‌مـامــــه‌وه

که‌وته‌ن ڕا ته‌رزه ش به سه‌د خامه‌وه

شه‌ربه‌تێ جه فام شه‌ربه‌تێ جه ویر

شه‌ربه‌تێ جـــه بۆی نه‌ونه‌مـــامه‌وه

جامێـــوه بێگــه‌رد پاک و دڵ ئـه‌نگیز

وه‌هـــارش به‌سته‌ن ســه‌را پامـه‌وه

باخێـوه سه‌ر سـه‌وز دڵ گیـر و نازار

ماچـــی بـه‌هـه‌شتـــا ئینــا لامــه‌وه

دایێم مێمــــانش شــه‌ماڵ و وه‌شتا

مـه‌ڵهـــه‌مـــه‌ی منیۆ نه تۆی زامه‌وه

ده‌سێــوه‌ش واران ده‌سێوه‌ش هـانه

نه‌زمــێ هـه‌ورامیش دان به کامه‌وه

ئـه‌گــه‌ر گــه‌ره‌کتا یاساو هـه‌ورامی

بۆ چــه‌مــێ بنیــــه دانش نـامـــه‌وه


پێشکه‌ش به گردوو دۆساو دانشنامه‌و هه‌ورامانی

 [ فرید عباسی ]


مطالب مشابه :


رزرو اینترنتی فرهنگیان در خانه معلم استانهای سراسر کشور

خیابان کاوه-خیابان جابر انصاری-خیابان آذر-مرکز آموزشی ساوه. میدان سامانه رزرو هتل در




لیست اشپزخانه های فعلا مورد تایید مرکز بهداشت

بهداشت حرفه ای ساوه رزرو هتل کاوه پخت . صادق علی حسینی .




اخرین لیست شرکت های سلامت کار در سال 1393

رزرو هتل پایش طب کاوه. این وبلاگ توسط همکاران محترم بهداشت حرفه ای ساوه اداره می




ساوه اجتماعی درگذشته

ساوه شاخص ترين زيارتگاه منطقه است. ( کاوه ) و دانشگاه رزرو هتل




آتش‌ سوزی زرندیه بدون تلفات جانی مهار شد

رزرو هتل مشهد|مدل خودروی آتش‌نشانی از شهرداری ساوه، شهرک صنعتی کاوه، شهرداری مامونیه




نشانی خانه های معلم و مراکز اسکان

سايت رزرو هتل هتل آپارتمان اينترنتي, 5 اصفهان 4369118 0311 خ کاوه ساوه




غزل هورامی

یاوه‌ێنه‌ وه‌شبۆ ساوه‌که‌ی ؛به‌شما مشۆ تا که‌ی وه بڵبڵ به ته‌حریر ،کاوه‌تر به




فرمول کارگاهی محاسبه وزن میلگرد

وبلاگ مهندس امید کاوه




برگ از درخت خسته میشه، پاییز همش بهونه است

بهداشت حرفه ای ساوه کاوه یغمایی كتاب سامانه رزرو هتل. rss . powered by blogfa.com




برچسب :