نوحه معروف شهریار
«شهریار» دان بیر مرثیه شعری
«حۆسئینه» یئــرله‌ر، آغـلار گؤیلـه‌ر آغلار
«بتول»-وْ-«مرتضی»، «پئیغه‌مبه‌ر» آغلار
ـــــــــــــــــــــــــــــــــــــــــــــــــــــــــــــــــــ
«حۆسئینین» نؤوحه‌سین «دلریش» یازاندا
مۆسه‌لمـان سهـل دیـر کـی کافــه‌ر آغــلار
ـــــــــــــــــــــــــــــــــــــــــــــــــــــــــــــــــــ
کوْر اوْلمۇش گؤزلهرین، قان دۆتدۆ «شیمرین»
کــی گـؤرســۆن اؤز الـینـــده خنـجــه‌ر آغــلار
ـــــــــــــــــــــــــــــــــــــــــــــــــــــــــــــــــــ
«حۆسئینین» کؤینه‌گی «زهرا» الینده
چکه‌ر قێهـا قییامـه‌ت، محشـه‌ر آغــلار
ـــــــــــــــــــــــــــــــــــــــــــــــــــــــــــــــــــ
آتـــانـــدا « حــرملــه »، اوْخ کـــربــــلاده
گؤرئیدین دۆشمه‌ن آغلار، لئشکه‌ر آغلار
ـــــــــــــــــــــــــــــــــــــــــــــــــــــــــــــــــــ
قــۇجـــاغێنـدا، گــؤرئیــــدین «ام لیــلا»
آلێــب نعــش-ی-«علــیّ‌اکبــر» آغـــلار
ـــــــــــــــــــــــــــــــــــــــــــــــــــــــــــــــــــ
«رباب»، نیسگیل دؤشۆنده سۆد گؤرنده
«علـــیّ‌اصغــری» یــاد ائیـلـــه‌ر آغــــلار
ـــــــــــــــــــــــــــــــــــــــــــــــــــــــــــــــــــ
باشێنــدا کاکــوْل-ی-«اکبر» هواسی
یئل آغلار، سۆنبۆل آغلار، عنبر آغـلار
ـــــــــــــــــــــــــــــــــــــــــــــــــــــــــــــــــــ
یازاندا «آل-ی-طاها» نؤوحه‌سیـن من
قله‌م گؤردۆم سێزێلدار ، دفته‌ر آغـلار
ـــــــــــــــــــــــــــــــــــــــــــــــــــــــــــــــــــ
«علی»، شقق-وْ-القمه‌ر، مئحراب تیلیت قان
قـۇلاق وئــر، مسجیـد اوْخشـار منبــه‌ر آغـلار
ـــــــــــــــــــــــــــــــــــــــــــــــــــــــــــــــــــ
«علــی» دن «شهریار»، سن بیر ایشاره
قۇجاقـلار قبــری ، «مالک اشــتر» آغــلار
"سۇ یوْخۇمدێ قێزلارۇندان، بیلیسه‌ن خجاله‌ته‌م من
مــن خئمییــه آپارمــا، بــۇ مکــانــدا راحـه‌تـــه‌م مـن"
ـــــــــــــــــــــــــــــــــــــــــــــــــــــــــــــــــــــــــ
"آی چێخدێ سۇدان باتدێ، اطفاله خبه‌ر چاتدێ
سۇ گؤزله‌مه‌سین قێزلار، عباس عله‌می یاتدێ"
ـــــــــــــــــــــــــــــــــــــــــــــــــــــــــــــــــــــــــ
"گــل کــربــلا چــؤلۆنــده مینــایه یا محمد
مظلوم حۆسئینون آغلار سققایه یا محمــد"
ـــــــــــــــــــــــــــــــــــــــــــــــــــــــــــــــــــــــــ
"شیرمـردون یێخێلێـب توْپراغـا قارداش یارالێ
ائیله‌ره‌م سجده، جبینیم یارالێ، باش یارالێ"
ـــــــــــــــــــــــــــــــــــــــــــــــــــــــــــــــــــــــــ
شامئ غریبان سؤال-جاوابێ (حضرت رقیه و امام حسین (ع))
"دئ گؤرۆم بۇ نیمه‌یئ شب قێزێم، یانێما نه عیلله‌ته گلمیسه‌ن
سن آت دؤشۆنده قوْوۇب قوْشۇن، بیلیره‌م شیکایه‌ته گلمیسه‌ن"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
"ای نـور-ی-عینیــم، منـــزیل موبــاره‌ک
بی‌کس حسینیـم، منـــزیل موبـــاره‌ک
لازێـم‌دێ یاتســۇن، بۆلبـۆل گــۆل اۆستــه
تا سایــه سالســۇن، بۆلبــۆل گۆل اۆستـه
دۇر سینـه‌مـه گــل، یاتمـــا کـــۆل اۆستـــه
ای نـــــور-ی-عینیـــم، منـزیـــل مــوبـاره‌ک
....
شاعر: حاج رضا صراف"
ـــــــــــــــــــــــــــــــــــــــــــــــــــــــــــــــــــــــــ
"من عزیز-ی-فاطیمه‌یه‌م فله‌ک، منه حۆرمه‌تۆن نده‌ن اوْلمادێ
اؤلــۆره‌م کنـارئ دمئشقیـده، باشێـم اۆستۆنه گله‌ن اوْلمادێ"
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
"ائی دست-ی-دیل روْباسێ، موشگول گوْشا اباالفضل
دسـت-ی-گیـرئه گـــوْشــایــه، جانـلار فـــدا ابــالفضـل"
ــــــــــــــــــــــــــــــــــــــــــــــــــــــــــــــــــــــــــــــــــ
"بـاشلانــدێ حــۆسئینیــن، ایـــام-ی-عــزاســی
سیزده‌ن کؤمه‌ک ایستیر، شاهێن شوْهه‌داسـی"
ـــــــــــــــــــــــــــــــــــــــــــــــــــــــــــــــــــــــــــ
"گلمیشیک ائی شیعه‌له‌ر، شام-ی-غریبانه بیز
وئرمـه‌گـه باش ساغلێغـێ، زینب-ی-نالانه بیـز"
ــــــــــــــــــــــــــــــــــــــــــــــــــــــــــــــــــــــــــ
"دوْلانێر علی قێزێ مقتله‌لی، قـان ایچینده بیـر بده‌ن آختـارێر
یوْلۇن اۆسته قافیله لنگ اوْلۇب، باجێ قارداشا کفه‌ن آختارێر"
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
زینبیـن قـۇربانلارێن قارداش آماندێر سـال یوْلا
ائیله‌مه مأیوسی‌دیر، باشه دوْلاندێر سال یوْلا
یا حۆسئین آدێن فداسی، اربعین‌دی ماته‌میندیر
شیعه‌لـه‌ر گلیـب فغانه، موسئم-ی-زیارتیـن دیـر
ــــــــــــــــــــــــــــــــــ
ائی شه-ی-نجف بالاسێ، شیعه‌له‌ر آدۇن فداسی
خنجـه‌ر و قیلیـج یاراسێ، پئیکـه‌روندا نازه‌نیـن دیـر
ـــــــــــــــــــــــــــــــــــــ
هر غریبدیر کفه‌ن پوش، هر بلانی ائیله‌ییب نوش
آلتێ ساعه‌ت اولدۇ بیهوش، خلقه واضح-وْ-یقین دیر
ــــــــــــــــــــــــــــــــــ
آغلا بۇ حۆسئینه آغلا، بۇ غریبه یاس ساخلا
وۇر باشا دیزین قوْجاقلا، رحمت-ی-لئلعاله‌مین دیر
ــــــــــــــــــــــــــــــــــ
آغلا بۇ شه-ی-غریبه، بۇ غریب-ی-غم نصیبه
آغلا درد-ی-بی‌طبیبه، چون شفیع-ی-مذنبین دیر
ــــــــــــــــــــــــــــــــــ
شیعه وئر صدا صدایه، تئشنه کام –ی-کربلایه
بۇ عزاده بات قارایا، نوحه خوان روح-وْ-الامین دیر
ــــــــــــــــــــــــــــــــــ
راوی ائیله‌ییب ریوایه‌ت، بیرجه دیل غمین حیکایه‌ت
اربـعیـن گــۆنــۆ زیــارت، اینـدی کـربـلا غمیـن دیــر
ــــــــــــــــــــــــــــــــــ
زائــر-ی-مــدینـه جــابــر، کـــربـــلا چـــؤلینـده حـاضیــر
بیر طره‌فده‌ن اوْلدۇ ظاهیر، شور-ی-محشه‌ره قرین دیـر
ــــــــــــــــــــــــــــــــــ
جابر اوْل وفا نصیبی، گؤردۆ امر-ی-بۇ عجیبی
آستانیده حبیبی، باش قوْیۇب یاتێب امین دیر
ــــــــــــــــــــــــــــــــــ
اوْلدۇ شامی ده خرابه، منزل آل-ی-بۇترابه
باغلانێبدێلار طنابه، رئشته‌ی حبل المتین دیر
ــــــــــــــــــــــــــــــــــ
دۆشدۆ زینب اضطرابه، غش ائدیب دۆشۆب ترابه
احتیاجی یوْخ گولابه، کـربـلا چـوْخ عنبــریـن دیــر
ــــــــــــــــــــــــــــــــــ
افقــر ائیلــه شـــور-وْ-غــوغــا، کــربـلانـی ائیلـه مـأوا
شور-ی-محشه‌ره ائیله برپا، روضه‌یئ خلد-ی-برین دیر
شاعر: افقر
********************
قافیله‌یئ غم دوباره گلدی دشت-ی-نئینوایه
زینب-ی-سییاه معجـه‌ر، تازه‌ده‌ن باتێب قـرایه
ــــــــــــــــــــــــــــــــــ
قبــر-ی-پـاکـه یئتمـه‌میش کیـم، دۇردۇ بیــر ازه‌ل دایـانــدێ
رنگی سوْلدۇ دۆشدۆ بیهوش، بسکی قلب-ی-زاری یاندێ
سپــدی ســۇ یــۆزینــه بیمــار، آچــدێ گــؤزلـه‌رین اوْیاندێ
چکـدی تـا اؤزیـن یـئتیــردی، قبـــر-ی-شـــاه-ی-کربـــلایــه
ــــــــــــــــــــــــــــــــــ
دیل آچاندا اووه‌ل-ی-امر، اوْلمادێ دیلـی دانێشسێن
تـا گلیـب دئـدی بـراده‌ر، کاش کـی بـۇ زینب اؤلسۆن
من نئجه گؤرۆم مزارین، کاش گؤزله‌ریـم کوْر اوْلسۇن
هاردادێر اجه‌ل کی وئرسین، عؤمریمی منیـم فنایـه
ــــــــــــــــــــــــــــــــــ
مــن فــدا سنیـن وفـاوا، ائــی عـزیز-ی-جان براده‌ر
باش گؤتۆر مزاریده‌ن دۇر، باشێمه اوْلـۇب نه کۆللـه‌‌ر
سن اؤله‌ن سوْرا گؤرۆبدۆر، بۇ باجێن نه قاره گۆنله‌ر
دستگیر اوْلۇبدۇ شئمر-وْ-ائبن-ی-سعد-ی-بی‌حیایه
ــــــــــــــــــــــــــــــــــ
سن شهید اوْلۇب داغێلدێ، شؤکه‌ت-وْ-جلال-وْ-جاهێم
اۆستۆمه قوْشۇن تؤکۆلدۆ، یاندێ جۆمله خئیمه‌گاهیم
چادریــم تالانــدێ بــاشــدان، اوْلمــادێ بیــر پنـاهیـم
تـاپمـادێـم اومـۇد قـارداش، یـالـوارێب گئـدیـم هـارایـه
ــــــــــــــــــــــــــــــــــ
باش آچێــق بــۆره‌هنــه نــاقــه، زینبــون سـوار اوْلۇبدۇر
کوفه ده‌ن دییار-ی-شامه، شئمر-ی-دون دوْلانـدێرێبدیر
چارسوده خلق ایچینده، اهـل-ی-بئیتی ساخـلاییبـدیر
صف بئصه‌ف ائدیب تماشا، دۆشمه‌ن آل –ی مصطفی‌یه
ــــــــــــــــــــــــــــــــــ
جۆمله غمله‌رینده‌ن آرتێق، بیرجه غم منی آلێبـدێر
چوْخدۇ خیجله‌تیم براده‌ر، نه دئییم بیله‌ن نوْلۇبـدۇر
بیــر رقیــه آدلــێ نـازلـێ، خورداجا قێزین اؤلۆبدۆر
آج خرابه تــوْپـراق اۆستـه، دردی یئتمـه‌دی دوایـه
ــــــــــــــــــــــــــــــــــ
ساچـلارێــم آغـاردێ غمــده‌ن، بسکــی آه-وْ-نـالـه قێلدێم
گؤزله‌ریم دۆشۆب اێشیقده‌ن، آغلادێم زئ بس کوْر اوْلـدۇم
اؤز ائـویمـی یاخشـێ یێخــدێـم، من نئجه بۇ دشته گلدیم
اینـدی گــؤر قالێبـدێـر حســـره‌ت، لئیلـی تـک آنــا بـالایــه
ــــــــــــــــــــــــــــــــــ
نائحــا حــۆسئینــه هــر کــس، زائــر اوْلســا اربـعیــن ده
وار یقین اوْ شخص-ی-مؤمئن، یوْخ هراسی جان وئره‌نده
ائــی خــودا نصیــب ائیلــه، بیــرجــه اربعیــن گــۆنــۆنده
زائر اوْلسۇن اهل-ی-مجلیس، جۆمله شاه-ی-کـربـلایـه
شاعر: نائح
********************
ائی گئچه‌ن ایکی قوْلۇندان، صاحیب-ی-عله‌م قارداش
شـامیــده‌ن گلیـب گئتسیـن، یثـریبــه حــرم قــارداش
ــــــــــــــــــــــــــــــــــ
ائی آتام علی اوْغلۇ، ائی وفالی قارداشێم
دۇر پوْزۇلدۇ پرقاریم، ائی رشید عله‌مداریم
بیز گله‌نده یثریب ده‌ن بۇ بلالی صحرایه
پاسبانیدی یوْلدا، سن بنات-ی-زهرایه
ایندی یوْخ اوْلا اکبر، سرپرست-ی-لئیلایه
قالمایێب منه محره‌م، بیر نفه‌ر خده‌م قارداش
ــــــــــــــــــــــــــــــــــ
ائی آتام علی اوْغلۇ، ائی مه-ی-بنی هاشم
قئبله‌گاه-ی-آمالێم، ائی وفالی قارداشێم
سن شهید اوْلان گۆنده‌ن، قان اوْلۇبدۇ گؤز یاشێم
دم‌بئده‌م گلیب موجه، گؤزله‌ریمده یم قارداش
ــــــــــــــــــــــــــــــــــ
تا بۇ غملی صحراده، تاپدێ ال سنه لئشگه‌ر
قارداشێم حۆسئن اؤلدۆ، یاندێ خئیمه‌له‌ر یئکسه‌ر
قالمادێ بنی هاشم، قێزلارێندا بیر معجه‌ر
سؤیدۆ آل-ی-اطهاری، فرقه‌یئ ظؤله‌م قارداش
ــــــــــــــــــــــــــــــــــ
هاشمی‌له‌ر اهل-ی-شامه، گؤر نه دستگیر اوْلدۇ
مه جبین بالا قێزلار، باش آچێق اسیر اوْلدۇ
پاسبان خاتونه، فرقه‌یئ شریر اوْلدۇ
سرو قددیمی ائتدی، بۇ قضیه خم قارداش
ــــــــــــــــــــــــــــــــــ
بۇ سفرده اندوهیم، گرچه چوْخ مزید اوْلدۇ
قددیمی بۆکه‌ن امما، مجلیس-ی-یزید اوْلدۇ
بیر مقامه ایش چاتدێ، دۇرماغێم شدید اوْلدۇ
زیر-ی-تار-ی-قلبیمده‌ن، اوْلدۇ ناله بیم قارداش
ــــــــــــــــــــــــــــــــــ
قلبیمی بۇ نیسگیل چوْخ، گتدی محنت و درده
جان خرابه ده وئردی، بیر بالام قۇرۇ یئرده
حالینه باخێب تؤکدۆم، گؤزیاشێ روْخ-ی-زرده
قالدێ بی‌کفه‌ن دوْخت-ی-شاه-ی-مؤحته‌شه‌م قارداش
ــــــــــــــــــــــــــــــــــ
گنج-ی-عیصمه‌ته مدفه‌ن، اوْلدۇ کوْنج-ی-ویرانه
آل حیدرین اشکین، دؤنده‌ریب بۇ غم قانه
اوْل گۆل ایله ویرانه، دؤندۆ بیر گۆلۆستانه
رشک ائده‌ر اوْ گۆلزاره، گۆلشه‌نه ارم-ی-قارداش
شاعر: سعدی زمان
********************
ائی پادیشاه-ی-ائنس-وْ-جان، قارداش حۆسئن گلدیم اوْیان
هئجرونده گؤگلۆم اوْلدۇ قان، قارداش حۆسئن گلدیم اوْیان
ـــــــــــــــــــــــــــــــــــــــــ
شامه گئده‌نده جیسمیوی، عوْریان قوْیۇب گئتدیم حۆسئن
گۆنله‌ر اؤنۆنده قانووا، غلطان قوْیۇب گئتدیم حۆسئن
قوْیمادێلار دفن ائیلییه‌م، عدوان قوْیۇب گئتدیم حۆسئن
شئمرین جفاسینده‌ن امان، قارداش حۆسئن گلدیم اوْیان
ـــــــــــــــــــــــــــــــــــــــــــــ
شام-ی-غریبان تۇتماغا، قوْیمادێ قارداش اهل-ی-کین
شامه کیمین قان آغلادێم، بۇ نیسگیله ائی شاه-ی-دین
هانسێ موصیبه‌تده‌ن سنه، تقریر ائدیم تۇتماز دیلیم
بۇندان شیکایه‌ت ائتمه‌ره‌م، ویرانه اوْلدۇ منزیلیم
چێخماز یادیمدان بۇ جفا، هرچند چوْخدۇر نیسگیلیم
گؤردۆم لبوندا خئیزه‌ران، قارداش حۆسئن گلدیم اوْیان
ــــــــــــــــــــــــــــــــــــــ
آلسان خبر گئتدیم نئجه، شامه براده‌ر حالی سن
ائتدیله نه جور-وْ-جفا، بۇندان سراسر حالی سن
منزیل بئ منزیل نئیله‌دی، اطفاله لئشگه‌ر حالی سن
وۇردێلا قمچی هر زمان، قارداش حۆسئن گلدیم اوْیان
ـــــــــــــــــــــــــــــــــــــ
هر رهگذرده شامییان، جوخه بئ جوخه دۇردێلار
سنگ-ی-شماته‌ت له گؤیۆل، آیینه‌سین سێندێردیلار
بعضی دئدیله‌ر خارئجی، بعضی‌سی طعنه وۇردێلار
گه کف زنان، گه دف زنان، قارداش حۆسئن گلدیم اوْیان
ـــــــــــــــــــــــــــــــ
سنده‌ن سوْرا چوْخ یانمێشام، پروانه وار اوْدلارا من
گه کوفه ده گه شامیده، گزدیم حۆسئن آواره من
گه بزم-ی-عامه گئتمیشه‌م، گه کوچه-وْ-بازاره من
اوْلدۇم عجب بی‌خانیمان، قارداش حۆسئن گلدیم اوْیان
ـــــــــــــــــــــــــــــــــــ
اهل-ی-حرم یئکسه‌ر گلیب، ماه-ی-مدینه گلمه‌ییب
راحه‌ت ائدیب غمده‌ن اؤزین، اوْل بی‌قرینه گلمه‌ییب
غۆربه‌ت مزار، اؤلدۆ قێزون، نازلێ رقیه گلمه‌ییب
وئردی قۇرۇ یئرله‌رده جان، قارداش حۆسئن گلدیم اوْیان
شاعر: دلریش
اوْخلانێب نده‌ن سۇ مشکین
پئیکه‌رۇنـدا قــان ابـاالفضـــل
یاتما ایستـی گۆنده قوْلسۇز
آچ گـؤزۆن اوْیـان ابــاالفضــل
ــــــــــــــــــــــــــــــــــــــــــــــــــــــــــــــــــــــــــ
قوْی باشێن دیز اۆسته قارداش
ایستی گۆن یـاران نـه چوْخـدۇر
ظۆلــم ایلــه سالێبــلا عۇریـــان
پئیکــه‌رۇن سراســـه‌ر اوْخـــدۇر
سـرنیگــۇن علــم سۇ مشکین
قـوْلــلارێـن بـده‌نـــده یوْخـــدۇر
چئشمه-چئشمه هر طره‌فده‌ن
قــان اوْلـــــۇر روان ابــاالفضـــل
ـــــــــــــــــــــــــــــــــــــــــــــــــــــــــــــــــــــــــــــ
داغ-ی-اکبـــریــــم بـــــــراده‌ر
ائیلــه‌ییب منـی جیـگه‌رسـوز
دؤره‌مــی آلێبـــدێ ائشگـــه‌ر
گؤردیلــه‌ر منــی اوْغــۇلسـۇز
رحــــم ائلــــه بــــۇ غـــریبـــه
دۆشمـه‌ن ایچـره قوْیما یالقـۇز
ساغ دگیـل هــرایـــه گلسیــن
اکبــــر-ی-جـــــوان ابــاالفضــل
ـــــــــــــــــــــــــــــــــــــــــــــــــــــــــــــــــــــــــــــ
دشت-ی-کربلاده سن‌سیـز
سێندێ لنگـه‌ر-ی-سفینـــه
اۆستــۆمـه ایــاق گتیــردی
گؤر نئجه بۇ اهل-ی-کینــه
گـؤز یـوْلا تیکیبـدی تئشنـه
گـؤزلیـری یوْلــۇن سـکینـه
خئیمــه‌‌لـه‌رده آل-ی-حیـدر
ائیلــه‌ییـر فغـــان ابـاالفضـل
ـــــــــــــــــــــــــــــــــــــــــــــــــــــــــــــــــــــــــــــ
بیـــر سنـــه گلیـــر گـۆمـانێـم
رحــم قیــل وفالــێ ســــردار
لئشگه‌ر‌یم داغێلـدێ یئکسه‌ر
قاسیـــم-وْ-نـــه اکبـریـــم وار
یالقــۇزام، قـوْیـۇب گئـدیـرسن
کیـــم اوْلــۇر مـنـــه علـمـــدار
مـن غریبـه داغ-ی-هـئجـریــن
اوْلـدۇ چـوْخ یامــان ابـاالـفضـل
ـــــــــــــــــــــــــــــــــــــــــــــــــــــــــــــــــــــــــــــ
افراد
ایاقا دۇرگێلان ائی همده‌میم دیلیم قارداش
وۇران الیم، کؤمه‌گیم، یاخێن ائلیم قارداش
نه قدری سن ساغ ایدۇن اوْلمامێشدێ خم قددیم
اگیلدی بیر نئجه گؤر قامه‌تیم بئلیم قارداش
سالێبدێلار قوْلۇوۇ پاره-پاره دیر بده‌نین
کی خئیمییه آپارێم، گلمیری الیم قارداش
*******************
اسیر اوْلماغێنا زینب‌ین یاخێنلاشدێ
کی آز قالێب داغێلا چؤللــه‌ره حرم قارداش
دئدی ایاقه دۇر ائی یار-وْ-یاوه‌ریم قارداش
اوْلۇم بۇ قددیوه قۇربان، صنوبه‌ریم قارداش
من غریبه بۇ چؤلده اۇمۇد بیر سن ایدون
آتام نیشانه‌سی هر غمده یار-وْ-یاوه‌ریدون
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نؤوحه‌نین آردێ:
قـالـــدێ آرزێـــــم اوْلایــــــدێ
قــــوْلــلارۇن بده‌نـده قـارداش
بیـرجـه قـوْل بـوْیـۇن اوْلایدێـم
گؤزلـه‌ریم تؤکئیـدی قـان‌یـاش
گئتـــدی طاقـه‌تیــم الیمــده‌ن
آچ گـــؤزۆن وفــالــێ قـارداش
گــؤر نئجــه ائـدیـب فـــراقێــن
قــددیمـی کـمـان ابـاالـفضــل
ـــــــــــــــــــــــــــــــــــــــــــــــــــــــــــــــــــــــــــــ
کــربـــلاده قــوْیمـــا یــالقــــۇز
چــوْخـدۇ دۆشمـه‌نیـم بـراده‌ر
الــده تیــر-وْ-تیـــغ-وْ-خنـجـــه‌ر
قتلیـمـــه چــکیبـلـه یئکســه‌ر
لئشگه‌ریـم داغێلدێ قـارداش
یوْخــدۇ بیــر مــوْعیـن-وْ-یـاوه‌ر
زینــب‌ی اسیـــر ائــده‌رلـــــه‌ر
قـــوْم-ی-کـوفییــان ابـاالفضـل
ـــــــــــــــــــــــــــــــــــــــــــــــــــــــــــــــــــــــــــــ
آغــــلارم سنــــی الیـمــــده‌ن
آلــدێ ظـۆلـم ایــلــه زمــانـــه
دشـت-ی-کربلاده سن‌سیـز
دؤنـــدۆ قــامــه‌تیــم کمــانـــه
قـوْم-ی-دۇن ائده‌رلــه‌ر اینــدی
اوْخــــــــلارێ منــه نیشــــانـه
آز قـالێــب وئـره‌م سنیـن تــک
منــده تئــشنـه جـان اباالفضل
ـــــــــــــــــــــــــــــــــــــــــــــــــــــــــــــــــــــــــــــ
فــۆرقــه‌تینـده یـوْخـدۇ تـابێـم
اوْج ائــــده‌ر ســمایــه آهێـــم
اؤلـــدۆ یــــاوه‌ریــم داغێــلـــدێ
لئشــگـه‌ریـم پـوْزۇلــدۇ جاهێـم
تئشنــه لـب شهیــد ائـده‌رلــه‌ر
یانــدێـرالـلا[ر] خئیمــه‌گـاهێـــم
اینــــدی آز قـالێـب دۆزۆلسیــن
شــامـه کــاریــوان ابــاالـفضـــل
ـــــــــــــــــــــــــــــــــــــــــــــــــــــــــــــــــــــــــــــ
شام-ی-شۇم مئحنه‌تینـده‌ن
چــکمــه گــل بیـــانــه ذاکیــر
چـــۆن بیــان-ی-درد-وْ-غمــــده
اوْد ســـــالێـر جــهانــه ذاکیـــر
غــۆربـه‌ت اؤلکـــه درد الینــده‌ن
گلمـــه چـــوْخ فغــــانـه ذاکیـــر
ایستـــه سنــده درده درمـــــان
ائیلــه‌سیــن نهـــان ابـاالفضـــل
تئشنــه ســۇ کنـارینـده، لبلـه‌ره سـلام اوْلسـۇن
قانه غرق اوْلان باشسێز، پئیکه‌ره سلام اوْلسۇن
تـۆربــه‌ت-ی-مقـدسـی کـی، کـیمییـاده‌ن آرتـێقـدێـر
قــوْببــه‌ی-ی-منــوری کـی، نـوْه سمـاده‌ن آرتـێقـدێر
بـوْقعــه‌ی-ی- مطهـری کــی، هـر بنـاده‌ن آرتـێقــدیر
کیــم دییــه بیـلــه‌ر کـعبــه، کـــربـــلا ده‌ن آرتـێقــدێر
اوْنــدا دفـن اوْلان شـاه-ی-بـی‌سـره سـلام اوْلـسۇن
روحــی روح-ی-ارواحـــه، جــیسمـی روح-ی-ذیروحه
سینــه گــه خـــده‌نــگیــلــه، خنجــه‌ریلــه مشروحـه
هــم یـــدان مقــطــوعـــه، هــم قفـــای مــذبــوحــه
لختـه-لختـه قـان دوْلمـۇش، گؤزلـه‌ره سلام اوْلسـۇن
کاکــوْل-ی-سمـه‌ن سمـایـه، قـامــه‌ت-ی-دیـل‌آرایــه
شـب چیـراق-ی-مظلـۇمان، نور-ی-چشم-ی-زهرایـه
گؤهــه‌ر-ی-شـب افـروز-وْ-اهـل-ی-بـئیتـی طـاهـایــه
طـاقـه‌ت-ی-دیـل-ی-«زینـب»، نـوْجـوان-ی-لـئیــلایـه
قیطعه-قیطعه دوْغرانمێش، «اکبر»ه سـلام اوْلسـۇن
گــۆلعــۇذار-ی-زییبــایــه، ســـرو-ی-قـدد-ی-رعنـایــه
ابـــروْوان قـــوْســی‌نــــه دیــــده‌هـــای شهـــلایــــه
قانێلـــه‌ن اوْلان الــوان، زۆلـــف-ی-عنبـــه‌ر آســایـــه
آتــــلارێـــن ایــاغـــێنـــده پــــاره-پــــاره اعــضـــایـــه
قـان حنـا خیضـاب ائتمیـش، اللـــه‌ره سـلام اوْلسۇن
طیفـل-ی-بی‌زبانی کی، گۆل کیمی سوْلۇب یانـدێ
اۆچ گئجه گـۆنـۆز عطشـان، دیـل دوْداغـێ اوْدلانـدێ
ظهــر-ی-یـوْم-ی-عـاشـۇرا، سـۇ یانێنــدا اوْخـلانـدێ
شهپـه‌ر آچـدێ پئیـکانـدان، قـۇش کیمی قانادلاندێ
شـاهبـاز-ی-خــونیـن پــر، «اصغــر» سـلام اوْلسۇن
بیـــر جــــوان کـــی منصــه‌بــده، کـــربــلا علـمـداری
خون-ی-سوْرخێ ایله رنگین، بئیره‌ق-ی-نیگۆن‌ساری
قوْیدۇ قان قان سۇیا قییمه‌ت، مشکی اوْلدۇ گۆلنـارێ
سۇ یوْلۇنـدا سعــی ائتــدی، تـا کسیلــدی قوْلــلارێ
صــاحـیـب-ی-دوْ بــازۇی احــمـه‌ره ســلام اوْلســۇن
شیــدده‌ت-ی-ســۇســۇزلـۇقدان، اوْدلانان دوْداغلاره
آت دؤشــۆنــده قــاچــمــاغــدان، زخمــدار ایــاغـلاره
شــامیـــده قـــارانقـــۇقــدا، آج یــاتــان اۇشــاقـــلاره
بیــــر ده «ام‌کـلثـــۇم»ه، «زینـب»-ی-دیــل افـکـــاره
دوْختــه‌ران-ی-خــاتۇن-ی-محشـه‌ره سـلام اوْلسـۇن
خــواهــه‌ر-ی- «علـی‌اکبـر» قـالـدێ بئیــت‌الاحـزانـدا
یـوْخ چێــراغـێ یــوْخ فـرشــی، بیـر خرابــه زیندانــدا
تـوْپــراق اۆستـه جـان وئــردی، اؤلـدۆ کافـه‌ریستانـدا
کفـه‌نــی قــارا معجــه‌ر، دفنــی کــۆنـــج-ی-ویـرانـدا
اوْل «رقیــه»ی-ی-مــؤحنـه‌ت پروه‌ره سلام اوْلسـۇن
سیــدالعبـــادی کـــی بستــــه‌ی-ی-طنـــاب اوْلـــدۇ
شهـریلـه‌رده حققینـده، ظۆلـم-ی-بـی‌حئسـاب اوْلدۇ
پیشـــوای ایســلامــه خــاریـجــی خـیطــاب اوْلــــدۇ
آتــه‌ش-ی-شمـاتـــه‌تــده، خـاطیـــری کبـــاب اوْلــدۇ
اوْل مریــض-ی-دیـل خسته، سروه‌ره سلام اوْلسـۇن
«کوفــه»ده «عقیــل» اوْغـلـۇ «مسلــم»-ی-وفــاداره
«مالـک» اوْغلـۇ «ابراهیـم»، جان نئثار-ی- «مختـار»ه
«ابـن عوسجـه مسلـم» هــم «حبیــب»-ی-ســرداره
شـــاهـــراه-ی-ایـمــانـــدا، جــان وئــره‌ن جــوانـــلاره
طئفــل-وْ-پیــر-وْ-بــوْرنـایـه، یئکسـه‌ره سلام اوْلسـۇن
«یحیــوی» الیــن یئتســه، گۆنبـــه‌ذ-ی-طـــلا پـوشـه
بحــر-ی-لــۆطــف-مـوْلانــی، آهیــلـه‌ن گتیــر جوشــه
اخــذ قێــل اوْ درگــه‌هــده‌ن، هــر ایـکـی ائــوه توشـه
ایحتیرامه‌ن عرض ائیله، پیش-ی-قبر-ی-شیش گوشه
محضــه‌ر-ی-هــوْمــایــۇن-ی-انــوه‌ره ســلام اوْلسـۇن
ائی بۇ غریبی سسلی‌یه‌ن، ایمداده گلدیم آچ گؤزۆن
قان ایچره یاتما نازیله‌ن، شهزاده گلدیم آچ گؤزۆن
بیر-بیر کؤمه‌کله‌ر گئتدیله‌ر، قالمادێ کیمسه داد-ی-رس
ائیله‌ر سنین گوفتاریوه، بۇ موْرغ-گؤگلۇم چوْخ هوه‌س
قوْیدۇن گؤزۆ یاشلێ منی، ورئ بۇ سسیمه بارێ سس
ائی ظۆلم الیله دوْغرانان، فریاده گلدیم آچ گؤزۆن
وصلوندان ائتدیله‌ر منی، بۇ اهل-ی-کین محروم اوْغۇل
قان آغلاسام واردێر یئری، من بیکه‌س-وْ-محروم اوْغۇل
هانسێ جوانی سن کیمی اؤلدۆردیله‌ر مظلوم اوْغۇل؟
بۇ نوْعی وئرمیب کیمسه جان، دونیاده گلدیم آچ گؤزۆن
بۇ قدر زحمه‌تله‌ن اوْغۇل، ایستی قۇم اۆسته ائتمه خواب
آرتار یارانێن سوزئشی، هر زخمه دۆشسه آفیتاب
توْادۇ اوْ شیرین دیلله‌رین، گل نۆطقه بیرده‌م وئر جواب
هر چند زخمین گلمیری، تئعداده گلدیم آچ گؤزۆن
باتسێن گره‌ک اهل-ی-حره‌م، یئکسه‌ر قارایا آغلاسێن
وئرسین آنانلا عممه‌له‌ر، صدا-صدایه آغلاسێن
«لیلا» اؤلۆنجه روز-وْ-شب، بۇ ماجرایه آغلاسێن
تۆش اوْلمۇسان بیر سنگدیل، جلاده گلدیم آچ گؤزۆن
آرامێدێ صوْبح-وْ-مساء، سنله‌ن «علی» قلب-ی-حزین
تؤکدۆ سیته‌مله قانێوێ، قوْم-ی-جفارکار؛ اهل-ی-کین
قوْیدۇن بئله تنها منی، گئتدین اؤزۆن ائی مه جبین
یوْخدۇر یئته‌ن ایمداده بۇ، صحراده گلدیم آچ گؤزۆن
باشێن یاراسێ بنزیری، زخم-ی-شه-ی-مردانیمه
هر اوْخ دگیبدیر سینه‌وه، دگمیش دیل-ی-سوزانیمه
ائیله‌رلــه‌ر آخه‌ر سن کیمی، غلطان منی اؤز قانێمه
قاتیلله‌ریم صف-صف دۇرۇب، آماده گلدیم آچ گؤزۆن
سنده‌ن سوْرا قوْیماز منی، آسۇده بۇ اهل-ی-سیته‌م
جور-وْ-جفاسین آرتێرێر، ساعه‌ت به ساعه‌ت؛ دم به دم
تئشنه کسه‌رله‌ر باشێمێ، باشسێز قالار اهل-ی-حره‌م
باشێم گئچه‌ر هم نئیزه-وْ-فۇلاده گلدیم آچ گؤزۆن
گۆل جیسمین اوْلدۇ ناوه‌ک-ی-پئیکانه بۇ نوْعی نیشان
گاهێ وۇرۇبلار تیغ-ی-کین، گه خنجه‌ر-وْ-تیغ-وْ-سنان
آهۇی-ی-زخم خوْرده تک، صئید اوْلدۇن ائئ تازه جوان
صئید اوْلمایان چوْخ زخم‌سیز، صیاده گلدیم آچ گؤزۆن
قێللام نظاره جیسمیوه، بیر جای-ی-بوسه یوْخ منه
بسکی وۇرۇب اهل-ی-جفا، ای سرو-ی-قد؛ یاره سنه
اوْلمۇش سراپا قامه‌تێن، زخمیله روْزه‌ن-روْزه‌نه
یۆز وئردی یۆز غم بۇ دیل-ی-ناشاده گلدیم آچ گؤزۆن
زۆلفۆن تئلینده قطرئی-ی-آلقان، دۇرۇب مرجان کیمی
سینه‌نده صف-صف ناوه‌ک-ی-پئیکانیله‌ر موْژقان کیمی
یاره نئجه یاره آچێب، گؤز لاله‌ی-ی-نوْعمان کیمی
بنزه‌ر قدین بیر سرنیگون، شیمشاده گلدیم آچ گؤزۆن
کرب-وْ-بلا ده یا حۆسئین، سوْلدۇ سیته‌مله گۆللـه‌رین
دۆشدۆ جفای خاریده‌ن، دیلده‌ن هامێ بۆلبۆللـه‌رین
«دیلریش» دئییر بۇ نوؤحه‌نی، یاده سالێر نیسگیلله‌رین
ائی بۇ غریبی سسلی‌یه‌ن، ایمداده گلدیم آچ گؤزۆن
کربلا غمی نه غمدیر، مؤحنه‌تی شوماره گلمه‌ز
بئله باجی، بئیله قارداش، بیده روزیگاره گلمـه‌ز
آه اوْ وقتیده‌ن حۆسئین کیم، تئشنه لب قالێب آراده
دۆشـدۆ بــۇ خییالـه گئدسیـن، کوفییـانیلـه جهــاده
عرض ائدیب جناب-ی-زینب، وار سؤزۆم بۇ مودعاده
واردێ بیر سؤزۆم نهانی، دیله آشیکاره گلمه‌ز
گـره‌ک ائیلییــه‌م عمــه‌ل مــن، آنــامێـن وصیتـینـه
واریثــه‌م بـــراده‌ر اینــدی، آنـامێــن نییــابــه‌تینــه
بۇ حۆسئینین، ال تاپاندا اهل-ی-کین شهاده‌تینه
بئلــه وقـت بئلـه فۆرصــه‌ت، الیمــه دۇبــاره گلمــه‌ز
بۇ گۆن اهل-ی-کینه دوْیماز، بیلیره‌م داخی جفاده‌ن
آنــام اوْغلــۇ ائتمـه محـروم، منـی بئیلـه مدعـاده‌ن
گتی بیـر اؤپـۆم براده‌ر، بوسه گاه-ی-مصطفـی ده‌ن
ائیله‌مـه بۇ ایشده تأخیر، قارداش اینتیظاره گلمــه‌ز
غـره‌ض ایذن حاصیـل ائتـدی، اوْ بـلاکئـش-ی-زمانــه
آه-وْ-نالـه ایله بیر اوْد، سالدێ صفحـه‌ی-ی-جهـانــه
بوسه گاه-ی-مصطفی‌ده‌ن، اؤپدۆ اوْل دۆرر-ی-یئگانه
هئچ قضییه بۇ جاهاندا، بیر دئل-ی-فیکـاره گلمــه‌ز
بیرده ظۆلمیله زمانئ ظوهـریده بـۇ شـاه-ی-محشـه‌ر
قان ایچینده قتلگه‌هده، جیسمی دوْغرانێب سراسه‌ر
یئتیشیب اوْ حاله‌تیله، باشـێ اۆستـه شمر-ی-کافـه‌ر
دئدی یا حۆسئین یارالێ، صئیدگه‌ر شیکاره گلمه‌ز
دئدی بۇ سؤزۆ اوْظالێم، چۆن دۇتۇب ره-ی-جفانی
دۇتـمئییـر دیلیــم بیـانـه، گتیــره‌م بـۇ مـاجـه‌رانـی
چکدی خنجه‌ر-ی-جفاسین، اوْ جفای پیشه کانی
فیکر ائدیب دئدی دایانماق، ایندی بۇردا کاره گلمه‌ز
قوْیدۇ خنجه‌ر اوْل سیته‌مگه‌ر، بوسه گاه-ی-مصطفی‌یه
دۆشـدۆ اینقیـلاب-وْ-آشـۇب، عـرش-وْ-فرش-ی-کربلایه
ذیبـح ائدیـب ذبیــح-ی-حقــی، بـاخ ذبیـح-ی-کـربـلایـه
قتل-ی-بیر نفـه‌ر ذبیحـه، میـن نفــه‌ر سواره گلمـه‌ز
یا حـۆسئـن تلطف ائیله، اوْلمۇشام غمـۇندا مجنـون
مـن بـۇ روزیگـار الینـده، قالمێشـام ملـول-وْ-محـزون
ایسته قبریوه دۇباره، بیرده گلسین عاصی، دیلخـون
ذوْق-وْ-شوْقیلـه اوْ یئـرده، باش قـوْیـا مـزاره گلمـه‌ز
شیعــه باخێــن زینبیـن نالـه-وْ-افغــانینــه
بۇ گئجه بیز گلمیشیک، شامئ غریبانینه
بۇ گئجه ائی شیعه‌له‌ر، سیز اوْتۇرۇن آغلایێن
آه-وْ-فغــان ائیلــه‌ییب، سینـه‌لـه‌ری داغلایێن
قـاره گئییـن سربئسـه‌ر، باشلارێـزا باغـلایێن
سیــزده باخـێن زینبیـن حال-ی-پریشــانینـه
آته‌ش-ی-ظۆلمیله چۆن، سینه‌سی سوزان اوْلۇب
دۆشمه‌ن آلێب دوْره‌سین، زیوه‌ری تالان اوْلۇب
غم تؤکۆلۆب اۆستۆنه، چاک-ی-گریبان اوْلۇب
اوْلمادێ بیر دادرس، لرزه دۆشۆب جانینه
شیعه باخێن حالینـه، اوْ شـه-ی-بـی‌یـاوه‌رین
دۇتــدۇلا دوْریــن تمــام، دوْغـــرادێلار اکبــرین
آچدێلا سۆد ده‌ن بۆگۆن، تئشنه علی اصغرین
قاتـدێ حۆسئـن اصغـرین قانێنـی اؤز قانینه
سالدێلار آتدان یئره، اوْل یارالێ پئیکه‌رین
بجدل-ی-کافه‌ر ائدیب، قصد اوْنۇن اللــه‌رین
شمر گلیب قوْیمادێ، باغلاماغا گؤزلهرین
قوْیمادێ زینب گئده قارداشێنێن یانینه
سالدێلار اوْل سروه‌رین آتدان عله‌مدارینی
زمره‌یئ کافه‌ر سالێب، ظۆلمیله قوْللارێنێ
دوْره‌لئییب دۆشمه‌نی، جومله اوْ سردارینی
گئتدی هرایه حۆسئن، گؤردۆ باتێب قانینه
غم دوْلۇب عالـه‌ملـه‌ره، آغــلادێ یئرلــه‌ر بـۇ گــۆن
سس چکیب آغلار هامی، جومله مله‌کله‌ر بۇ گۆن
ماتـه‌مـه گـل سیـدا، فاطیــمـه آغــــــلار بۇ گـــۆن
گؤگلــه‌ر عــزا ساخــلایێب، آغلایێــــر احوالینــــه
نویسنده : حسین محمودی ; ساعت ۸:٥٤ ق.ظ ; چهارشنبه ۱۱ دی ۱۳۸٧
حۆسئن، حۆسئن، حۆسئن، حۆسئن
شهیـــــد-ی-کـربــلا حـــــۆسئــــن
غریــــب-ی-کـربــــلا حــۆسئـــــــن
ائـی شـــاه-ی-مشــرئقین حۆسئن
ائـــــــی زینبــــــــی اسیــــــر اوْلان
ائــــی اصغــــــــــری سـۇسۇز قالان
ائـــــــی قارداشێ قوْلسۇز دۆشه‌ن
ائـــــــــی اکبـــــــــــری جوان اؤله‌ن
ائــــــی قاسیمــــــــی ناکام اؤله‌ن
ائـــــــی خئیمـــــــه‌گاهی اوْدلانان
ائـــــــی قێـــــزلارێ سۇسۇز قالان
معجــــــــه‌رلــــه‌ری باشدان گئده‌ن
ائـــــــی خئیمــــــه‌گاهی اوْدلانان
ائـــــــــــــــی امتـــــه قۇربان اوْلان
ائــی باشێ جیسم‌‌سیز دۆشه‌ن
امــــــــت یوْلـــــــۇندا باش وئره‌ن
ائــــــــی اوْخــــــلارا نیشان اوْلان
ائــــــــــــی باشێ نئیزییه گئچه‌ن
غـــــــــــــریب-ی-کربـــلا حۆسئن
مظلـــــــــــوم-ی-کــــربلا حۆسئن
کــــــی ائی قتیل-ی-قوْم-ی-دون
کـــی ائی ذبیح-ی-غرق-ی-خون
اوْلان لواســـــــــــــــی سرنیگـون
نــــه اوْلدۇ بس شوْجــاع-ی-ناس
یانێبـــــــــــدێ خئیمـه-وْ-اسـاس
ســـــــــوْیۇبلا قالمــــایێب لیباس
حۆسئن، حۆسئن، حۆسئن، حۆسئن
ذبیـــــــــــــــــح-ی-مئن قفا حۆسئن
باجێـــــــــــــن اوْلـــــۇب اسیر-ی-زار
گئـــــده‌ر اوْ شـــــــــــــامه هر دییــار
دا یوْخــــــــــــدۇ مؤحنــــه‌ته شومار
قێــــــــــــــل بیـــــــر نظـــاره یا اخا
باشۇن گئده‌ر ســـــــــــــر-ی-جیدا
اوْلان ذبیــــــــــــــــــح-ی-مئن قفا
نظــــــــــاره قێـــــــــــــل بۇ حالیمه
اوْ ایلکــــــی‌ده جلالیمـــــــــــــــــــه
دۆشۆب مدینـــــه یادیمــــــــــــــــــه
گئیدیبــــــــدی تاب-وْ-طاقه‌تیـــــــــم
هانـــــــــــــــی جـلال-وْ-شوْکه‌تیم؟
اۆره‌کده قالـدێ حسره‌تیــــــــــــــــم
دئیین گلـــه اوْ ســـــــــــــــــــروه‌ره
جاوان علــــــــــــــی-وْ-اکبــــــــــــره
دۆشـــــــــۆب بی‌بی‌سی چؤللـه‌ره
هانی ابالفضــــــــــــــــــل اوْل قمـه‌ر
نهــــــــــــــــــــــال-ی-حئیــدره ثمه‌ر
باجێن ائدیر بۇ گـــۆن سفــــــــــــــــه‌ر
اوْلۇبـــــدۇ میــــــــــــزبان منــــــــــــه
دا شئمر-وْ-هم سنـان منــــــــــــــــــه
سالێـــب طنـــابــــی بوْینۇنـــــــــــــه
قێزێن سکینـــــــــــــــــه یا اخـــــــــــا
نئجــــــــــــــه قالێــــــــــب بۆره‌هنه پا
گلیــــــــــــــب نـــــــــــــوایه نوْه سما
اؤزۆم اسیـــــــــــــــــــــــر-وْ دربئــده‌ر
غریـــــب-وْ-زار-وْ-خونجیگــــــــــــــــه‌ر
همیشـــــــــــــه بۇ دیلیـــــــم دییــه‌‌ر
حۆسئن، حۆسئن، حۆسئن، حۆسئن
ســـــــــن ائــــی ضییاء-ی-هر بصــه‌ر
غریـــــــــب-ی-زار-ی-دربئــــــــــــــــده‌ر
حقیـــــــــــــــــــــــــره بیــــر ائله نظه‌ر
یازا بۇ مئصــــــــــــــــــــــره‌عی دییه‌ر
حۆسئن، حۆسئن، حۆسئن، حۆسئن
مظلــــــــــــــوم-ی-کـــــــربلا حۆسئن
----
قتیل-ی-اشقییا حۆسئن
من ترک شراب لب یار ائیلدیم اولدی
زهر غم هجریله مدار ائیلدیم اولدی
ای شیخ بهشتی دئمه ترک ائیلییه ن اولماز
من ترک سر کوی نگار ائیله دیم اولدی
اؤز جانینی ترک ائیلییه ن اولماز من اؤزومدن
روحوم کیمی جانانی کنار ائیلدیم اولدی
ممکن دگی بیر محنته مین جان دؤزه اما
من جانیمی مین درده دچار ائیلدیم اولدی
دانسته و فهمیده خط و خاله وورولدوم
اؤز اؤز گونومو تیره و تار ائیلدیم اولدی
هئچ کیمسه اؤزون خار و ذلیل ایسته مز اما
من اؤز اؤزومو دهرده خار ائیلدیم اولدی
عرفان نظربازی و رندی و ظریفی
عالمده خلاصه نکی وار ائیلدیم اولدی
صرافه دئدیم حکمتیلن یوخ وار اولانماز
گولدی دئدی باخ گؤر یوخی وار ائیلدیم اولدی
اگر چه ناز و غمزه او بت طنازه لازیمدیر
ولی ناز ائتمگه بیر حد و بیر اندازه لازیمدیر
گؤتور مرحم طبیبیم توتما زخم سینه سوراخین
بو دارالملک عشقه بیر آچیق دروازه لازیمدیر
کؤنول مشاطه قانین شیشه یه گر توتسا قوی توتسون
رخ جانانه چون زینت زمانی قاره لازیمدیر
اگر سلطان ملک عشق سن وئر ساخلاما باشین
خیال منصب سرداریلیق سربازه لازیمدیر
منی صباغ درد و غم بویار هر گونده بیر رنگه
یقین معشوقه عشقه لباس تازه لازیمدیر
چیخیب ترتیب دن اوراق اولوب مجموعه جسمیم
محبت رشته سیندن جلدیمه شیرازه لازیمدیر
نهفته رازدیر آغزین اونی اغیاره بولدورمه
او گیزلین سره همراز اولماق اهل رازه لازیمدیر
دگیل لازیم کؤنول گنجشکینی پابند زلف ائتمک
او محکم پاچه بند ای نازنین شهبازه لازیمدیر
چمنده باغبان شمشاد و سروین ریشه دن کسدی
گؤروب چون شانه شمشاد او سرو نازه لازیمدیر
دئیین صرافه چوخ لاف محبت ویرما آرام اول
بساط عشقی گؤرمک صاحب اعجازه لازیمدیر
اله دسمال آلێب آغلا
یارالاندێم باجێ زینب
اؤزۆن گل یاره‌می باغلا
یارالاندێم باجێ زینب
کئچه‌ر آهێم اوْخێ داشدان
اۆزۆلـدۆم قوْم-وْ-قارداشـدان
آتام حئیـدر کیمـی باشـدان
یارالاندێم باجێ زینب
آخــار اؤز بـاشینــه قــانێــم
دوْلار بۇ چئشم-ی-گیریانێم
آخــار جانێـم گئـده‌ر جانێـم
یارالاندێم باجێ زینب
اگـه‌رچــه سینــه داغـلارسـان
یارامــێ گؤرســه‌ن آغلارسـان
ولی سن یاخشێ باغلارسان
یارالاندێم باجێ زینب
منـی بیـر اوْوچــۇ زار ائتـدی
غــم-وْ-درده دۇچـار ائتـــدی
وۇرۇب یێخدێ شیکار ائتدی
یارالاندێم باجێ زینب
بۇ یاره پئیک-ی-دلبـه‌ردیــر
دییاره-ی- یـاره رهبـه‌ردیـر
دگیل یاره گـۆل-ی-سردیـر
یارالاندێم باجێ زینب
منی گل سربلنـد ائیلـه
قارا زۆلفۆن پره‌نـد ائیلـه
یارامێ خشکه‌بند ائیله
یارالاندێم باجێ زینب
باشێم ضربَتله‌نه‌ن ساعـه‌ت
وئریب یـۆز اؤزگه بیر حالـه‌ت
دیزیمـده قالمـایێـب طاقـه‌ت
یارالاندێم باجێ زینب
یئتیب‌دیر سینه‌مه چـوْخ اوْخ
ولی بیرجه دییـه‌م اوْخ یــوْخ
بـۇ یـاره‌م کارگـه‌ر‌دیـر چـــوْخ
یارالاندێم باجێ زینب
پئیه‌مبه‌ر گۆلشه‌نی سوْلدێ
عمامــه‌م قانیلـــه‌ن دوْلــدێ
منـه اؤلمـه‌ک یقیـن اوْلــدێ
یارالاندێم باجێ زینب
اوْغۇل یوْخ سسلییـه‌م داده
بـۇ گۆنده یئتسین ایمــداده
خبـــه‌ر وئــر تــــازه دامــاده
یارالاندێم باجێ زینب
اؤلــۆب اعـــوان-وْ-انصــاریـــم
دۆشۆب قوْلسۇز عله‌مداریـم
سـن اوْل یـارێـم هــواداریــم
یارالاندێم باجێ زینب
سکینــه‌م آتـاسێـز قالـدێ
فلــه‌ک آرامێـمــێ آلـــدێ
سنی درد-وْ-غمه سالدێ
یارالاندێم باجێ زینب
دئمــه صرّافـه بــی‌کس‌دیـر
اسیر-ی-نفس-ی-ناکس‌دیر
قبول اوْلسا بۇ سؤز بس‌دیر
یارالاندێم باجێ زینب
اجلیم یئتیبدی یاخێنلاشێب، آناوێن شهادتی زینبیم
گئده‌جئک قوْناقدێ فاطمه، سن اۆچۆن بۇ ساعتی زینبیم
لحظات-ی-آخر عؤمر دیر، گل ائده‌ک بۇ منزلی بزم-ی-راز
اۆره گیمده کی سؤزۆ فاش ائدیم، ائشیدیب صحیفه-ی-قلبه یاز
آتا قارداشۇن ائوه گلمه‌میش، بیر آز آغلایێب دانێشاق بیر آز
من اؤزۆم بۇ فاجعه‌دن دئییم، سنه سرسلامتی زینبیم
یئری واردێ آتشی؛ آهیمین ائده نرم؛ سنگیله آهنی
دۇرابیلمیره‌م اجل اوْوچۇسۇ، ائله دام-ی-غمده یوْرۇب منی
ائویمین بؤیۆک قێزێسان قێزیم، ائویمه کفیل ائدیره‌م سنی
آنانێن بؤیۆک قێزا رسم‌دیر، یئتیشه‌ر نیابتی زینبیم
فلک ائتدی دائیمی کشمکش، منیله جفالی رقیب تک
قوْیۇرام حبیبیمی دیده تر، گئدیره‌م وفالی حبیب تک
اوْلاجاقدێ قبریم ائوی نهان، بیلیره‌م وطه‌نده غریب تک
دیریلیکده قدری بیلینمه‌یه‌ن، نئیلیر جلالتی زینبیم
دئ گؤرۆم اوْ هانسێ عفیفه‌دیر، چکه غم بۇزاره حزینه تک
دۆشه بحر-ی-درد-وْ-مصیبته، دوْلانا شیکسته سفینه تک
دئمیشه‌م آتوْن منی دفن ائده، گئجه‌نین زامانی خزینه تک
گۆنۆزۆن کی دفن-ی-خزینییه، یوْخۇدۇ لیاقتی زینبیم
گئجه غوسل اوْلاندا وجودیمه، یۆزۆن اشگیله بوْیانار قێزیم
قێز اۇشاغێ سؤز یوْخ آناسێنێ، یارالێ گؤره‌نده یانار قێزێم
اۇجادان ولی آنا وای دئمه، ائشیده‌ر آتوْن اۇتانار قێزێم
اؤزۆنه کفایت عم اوْغلۇمۇن ائده‌ر اؤز خجالتی زینبیم
اؤز ائویمده قوْیمادێ آغلایام، منی بۇ جماعت-ی-بی‌حیا
قاپێ یاندێرانلارا دینمه‌دی، دیزینی قۇجاخلادێ مرتضا
دئمه‌دیم عم اوْغلۇما چوْخ سؤز، دییه‌ره‌م پئیمبره جابیجا
یئرینه شیکایت ائده‌ن گره‌ک، یئتیره شیکایتی زینبیم
اوْ یانان قاپێم کیمی اوْلانێب یانا کاش خانه‌سی دوشمنین
گۆنۆزۆ قارا گئجه تک گئچیب، پوْزۇلا زمانه‌سی دوشمنین
دییه بیلمه‌دیم سیزه، نئیله‌دی منه تازیانه‌سی دوشمنین
بدنیمده وۇردێغێ قمچینین هله وار علامتی زینبیم
آنادان یتیمه اوْلان قێزێن، هامییا مؤثّر اوْلار سؤزۆ
تؤکۆله‌ر هؤرۆکله‌ری چیگنینه، سارێ گۆل کیمی سارالار یۆزۆ
دوْلانار ائوی آناوای دییه‌ر آناسێن گزه‌ر گئجه گۆندۆزۆ
چوْبالار قفه‌سده کی قۇش کیمی، گئده‌ر ایستیراحتی زینبیم
دئمیره‌م گئجه گۆنۆز آغلا یوْخ، غم-وْ-درد-ی-هئجریمه تاب ائله
یاسا گلسه شهر خانیملارێ، اوْلارا بۇ نوعی خیطاب ائله
آنامێ دئ قمچیله‌ر اؤلدۆرۆب، گله‌نی سؤزۆ ایله مجاب ائله
سنه چون محوّل اوْلۇر بۇ گۆن، فدکین ویکالتی زینبیم
یانان آستانێمێ گؤسته‌ریب، اوْلۇنان جفالری قێل بیان
باشێمێن بلاسینی شرح ائله، سوْرا قبر-ی-محسنی وئر نشان
اوْ خزان آپاردێغێ غۆنچه تک، یوْلا سال گله‌نله‌ری باغرێقان
بیله هامێ دۆشمن-ی-بی‌حیا، ائلییه‌ن جینایتی زینبیم
مطالب مشابه :
اشعار مرحوم شهریار و یحیوی
آذر گول - اشعار مرحوم شهریار و یحیوی - - آذر گول . آذر گول . علیده ن شهریار ، سن بیر اشاره .
اگر سرتان درد می کند بخوانید
دکتر شهریار یحیوی، استادیار دانشگاه علوم پزشکی تهران علاوه بر توجه به شواهد و علایم
طوفان
استاد شهریار - طوفان - استاد شهریار عباسعلی یحیوی
یحیوی فرماندار هریس شد
قاراداغ نیوز - یحیوی فرماندار هریس شد - اي خوشا خاك قراداغ كه خلد آيين است
شهریار دئیر دیل نه دیر !!!
شهریار دئیر دیل نه دیر !!! نگارش در تاريخ شنبه بیست و چهارم بهمن ۱۳۸۸ توسط تاج الشعرا یحیوی .
رباب حاج حسينلو
سیدجواد یحیوی. شهریار
نوحه معروف شهریار
نوحه تركي-فارسی - نوحه معروف شهریار «یحیــوی» الیــن یئتســه، گۆنبـــه‌ذ-ی-طـــلا
پريچهر بهروان
سیدجواد یحیوی. شهریار
آذربایجان (استاد شهریار)
شیرین دیل - آذربایجان (استاد شهریار) - نئچه دیل بیلن نئچه اینسان دیر اوز دیلین بلمه ین نئجه
فتانه سجادی
سیدجواد یحیوی. شهریار
برچسب :
شهریار یحیوی