اشعار عاشورایی
اشعار عاشورایی
تورکی شعرلر
----------------------
استمداد حضرت ابالفضل
قارداش دئمیره م قارداشووام نو کرووام گل
قولسوز یئخیلان توپراقا سر لشگرووام گل
هئچ من دیمیره م یارین علمدارووام آقا
هئچ من دئمیره م غم گونی غمخوارووام آقا
هئچ من دئمیره م محرم اسرارووام آقا
فخریم بودی سن تک آغانین نوکریم من
احسان ائله گل گورمه گووا مشتری یم من
ای جانیم آماندیر دئمه بو جیسم سنیندیر
هر یئرده حسین ایلسه ماوا وطنیندیر
وار هر نئیم عالمده حسین و حسنیندیر
دوشمز آدی بیر آندا حسینین دوداغیمدان
من عاشیقم اوز رهبریمه کورپه چاغیمدان
دوررام نه قه ده رواردی جانیم اوز سوزوم اوسته
آتداندا یئخیلسام یئره دوشسم یو زوم اوسته
گلسه باشیم اوسته وئره ره م یئر گوزوم اوسته
بو شمس هدا چشمه ی نور ازه لی دور
بو فاطمه نین اوغلی حسین بن علی دور
سن اولماسان آقا نوکرین ارزشی یوخدور
بو دهریده سنسیز سفرین ارزشی یوخدور
سنسیز منه شام و سحرین ارزشی یوخدور
کیمدیر اویادا بو یوخودان کوفه نی ، شامی
سنسن یئر اوزونده بوتون احرارین امامی
سون لحظه لریمدیر یاپیشیب جان اتگیمده ن
بیر نیزه دگییب سینمه چیخمیش کوره گیمده ن
سنله سووشورقول بویون اولماق اوره گیمده ن
گل گل گوروم اول روضه رضوانی حسینیم
تقدیم الییم مقدمینه جانی حسینیم
خجلت تری آنلیمدان آخیر ای شه خوبان
گل قوی قدمینده ایلییم جانیمی قربان
زهراده گلیب سنده گل ای ناطق قران
گل گل دولانیم باشینا ای کهف امانیم
گل گل او گلن یوللارا قربان اولا جانیم
امام حسینینین ابالفضلین باشی اوسته گلمه سی
آچ گوزلروی یاتما علمداریم ابالفضل
ترک ائتمه منی غم گونی غمخواریم ابالفضل
***
ای کان حیا معدن ایمان آتام اوغلی
ای تشنه فرات اوسته وئره ن جان آتام اوغلی
عالم بو دوشن قوللارا قربان آتام اوغلی
کسگین قیلیجیم محرم اسراریم ابالفضل
***
میل ایلمه گاهی ساغا گاهی سولا قارداش
ساغ لیقدا یاراشمیر سنه رنگین سولا قارداش
مخیمده تیکیب اهل حرم گوز یولا قارداش
گوزلور یولوی خیمده بیماریم ابالفضل
***
قارداش یارادان قدووی رعنا یارادیبدیر
غیرتلی شهامتلی دل آرا یارادیبدیر
لب تشنه سولان قیزلارا سقا یارادیبدیر
قربان اولا عالم سنه سرداریم ابالفضل
شهودی تبریز
---------------------------------
زبانحال امام حسین حضرت ابوالفضله خطاب
منی ترک ائدیب گئدیرسن هارا ای وفالی قارداش
سنیلن گئدیر منیمده ائلیمین جلالی قارداش
***
یئنه قم لر آتلانیبدیر ا و ر ه گینده کشمکشدیر
دئمیره م کی گئتمه قارداش بیلیره م کی سون گئدیشدیر
بو جهاد اکبر ، اصغر سنه بیر ایچیم سو ایشدیر
منه آمما چوخ چتیندیر کی آتام وصالی قارداش
***
گوره کیم عو قا بین اوسته اوتوروبدو شاهبازی
دئیر ای خدا نده ندیر بو حقیقتین مجا زی
سالیب اول رسا لی قدین ائله حیرته حجازی
گوره سرو اگر بو قددی گئده ر اعتیدالی قارداش
***
بیلیره م کی اود لانیرسان ال - آیاق چالاندا اصغر
اوجالا ندا گیزلین آهیم سنی ایله ییر مو کد ده ر
منه یا ر اولان بو چولده سنیلن باجین برابر
ائشیدیبدی کی گئدیرسن پوزولوبدو حالی قارداش
***
عله مین اسنده گویده اوره گیم سر ین له یه ردی
اوره گیم سرین له یه رکن سنه دردینی دییردی
هامی دردینه ده ین ال ائله دردیمه ده یه ردی
منه دردینی دئمه زدین نده ن ای حیالی قارداش
***
نه دئیم نه حاله قالدین سو یو لون عدو هورنده
اوره گینده قوپدو طوفان علی اصغر ی گورنده
آتامی گوره ن کی گوردو سنی رزم آتین سورنده
دئدی اولما بو علی دیر ، آتامین میثالی قارداش
***
سن او آی سان آی هر آخشام چوکوده ر اونونده داغ دیز
دایاغیم داغیم آماندیر بو بلالی چولده سنسیز
بو گئجه بو یول کسن لر تاپا گر رو قییه ده ن ایز
نه من اوللام اوندا نه سن پو زو لار جمالی قارداش
شعر شهودی تبریز30/8/88
----------------------
حضرت ابوالفضلین امام حسینی امداده چاغیر ماسی
چیخیر جانیم دوداغیمده ن گل ای آرام جانیم گل
یئتیبدیر موسم هیجران گل ای روح و روانیم گل
*****
ساغیم دوشدی سولوم دوشدی کسیلدی چاره م آی قارداش
آچیب دیل سسلییر داده سنی هر یاره م آی قارداش
ویصالون آرزو ایلر دیل صد پاره م آی قارداش
امیریم مهر تابانیم امیدیم سایبانیم گل
*****
نسیم جان آلیب تاپدیم بهشتی گول عوذاروندان
الیمده ایختیار اولسایدی گئتمزدیم کناروندان
خجالت اولدوم اصغرده ن او طفل شیر خواروندان
سالیبدیر خرمن جانه شرر سوز نهانیم گل
*****
سنه مشتاق اولان ائتمز توجه دانه و دامه
تقلا ایلدیم مشگیم یئتیشسین سالیم اخیامه
منی ناکام ائدیب قارداش یئتیشدی دوشمنیم کامه
منی گل سر فراز ایله گل ای کهف امانیم گل
*****
امام حسینین اوخشاماسی ابوالفضلین بالینینده
اوجا بوی شسلی قامتلی دلاور قارداشیم لای لای
بلا دشتینده مین تیپه برابر قارداشیم لای لای
****
گوزوم نوری باشیم تاجی ابالفضلیم علمداریم
اویان قارداش بئلیم سیندی پریشان اولدی افکاریم
خیامه من نئجه سنسیز گئدیم ای شانلی سرداریم
ملک منظر،قمر طلعت ، مطهرقارداشیم لای لای
****
آماندیر آچ گوزون منله دانیش گوفتاروه قوربان
آتام شیر خدا تک شیوه ی پیکارووه قوربان
اولا عالملرین جانی دوشن قوللارووه قوربان
سالان کشتی کیمی نهراوسته لنگر قارداشیم لای لای
****
بو آب عشقدیرحتی بونا خیضرین الی یئتمز
کیم اولسا تشنه بوآبه فراته اعتنا ائتمز
سنون قارداش بو ایثارون یادیمدان هئچ زامان گئتمز
ائده ن ای نفسینی رام ای هنرور قارداشیم لای لای
*****
نئجه من ال چکیم قارداش بوجسم چاک چاکوندان
کی یئر گوی فیض آلیرالان صفالی قانلی خاکوندان
بابامین عطرینی آلدیم سنون انفاس پاکوندان
مشام جانیمی ائتدین معطر قارداشیم لای لای
***
اوزون قوللارووی دوشمن ائدیب قارداش جودا تنده ن
سلام اولسون بو قوللاره بو پاره مشگووه منده ن
آلار عالمده غیرت درسینی آزاده لر سنده ن
ائده ن عاشیقلرین قلبین مسخر قارداشیم لای لای
شعر: شهودی بستان آبادی- تبریز16/9/89
-------------------------------
حضرت علی اصغر و امام حسین
آلتی
آی
اولدوزویلا
بیر اولموشدو
بیر
گونش
بو بیر لیگین دادین هله ده تامسینیر گونش
آز چکمدی بو بیرلیگی چوخ گوردوروزیگار
وئردی بوتون یانانلارینی بیر به بیر گونش
سون گوندو ته کله ییبدی قارانلیق ایشیق لیغی
سون عسگرین قوجاقلاییب ایندی امیر گونش
بیر اوخ شاخیرسا سود یولونونا کهکشانلاری
بیر ده ن چکیر اودا دوتولورگوی سینیر گونش
یئرده ن گویه بیر اولدوز آخیر یاندیریر یاخیر
آی دیکسینیر علم کیمی تیر تیر اسیر گونش
***
دان، اولدوزونلا بیر عمور اولماق پائین سنه
تانری وئره ر بو محنته خاطیر اجیر گونش
تک سن صبیر ده سن سنه باخجاق صبیر گلیر
بیلدیم هایاندان ایلگی تاپیبدیر صبیر، گونش
***
باغریندا قویلادی دئیره م من دان اولدوزون
تاریخ دئیر دئسین اونا قازدی قبیر گونش
شهودی تبریز27/8/88
---------------------------------
تقدیم به سردار رشید اسلام حضرت مسلم بن عقیل
مرگ زا نو زده پیش رویش خم به ابرو نمی آورد مرد
می زند تند بر سینه ی مرگ باتمام توان دست رد مرد
غربت است و هوای رفیقان آسمان دلش را گرفته است
تندری می شود می خروشد سینه ی مرگ را می درد مرد
غیرت این تیغ جان پرورش را از نیام تنش بر کشیده
می رود تا که بر پیکر مرگ زخم دیگر فرود آورد مرد
خوانچه ی بخت خود را چه زیبا بین دو دست بالا گرفته
تن طبق هست و سرهدیه ای سرخ که به معشوق خود می برد مرد
***
دیدنی بود درروزپرواز شوکت مرد در برج ایثار
مرد پرمی زد از هیبت او آسمان بر زمین می شد آوار
بهر سوزاندن خرمن او آتش کینه افروخت دشمن
کوری چشم دشمن سپند سر جهید از سر مجمر تن
از بلندای دارالاماره لرزه ا فکن به دارا لخلافه
با کلاف رگ سرخ گردن کرده اهریمنان را کلافه
کم کم از آسمان می طراود عطر گلهای باغ بهشتی
مرد سر می کشد جام خون را زیر نور چراغ بهشتی
***
پیکرش را پلیدان کوفه کوچه کوچه بخون می کشانند
لحظه لحظه دلش می شکوفد خوانی از نور می گسترد مرد
زخم این روزن روضه ی دوست می زند زخمه بر پرده ی پوست
پرده در پرده پر می گشاید در هوای کسی می پرد مرد
این همان سرخ سودای هستی است می دهد دست شوریدگان را
تکه تکه زمین می فروشد قطعه قطعه جنان می خرد مرد
گندم از گندم و جوز جو این حکم روئیدن است ازدل خاک
تا بدانی که در باغ هستی دامن مرد می پرورد مرد
می زند موج در دیدگانش حسرت دیدن روی دلبر
آه این حسرت خونفشان را می رود با خودش می برد مرد
شهودی تبریز 23/8/88
مطالب مشابه :
6 شعر سپید
زمان گذشت وگذشت زمان نمی گذرد - 6 شعر سپید -
شعر کوچه
گذشت زمان من را هم خاطره کرد شعر کوچه میخوندی توی گوش م
گذشت آن زمان
هیچــــــکــــــس - گذشت آن زمان - عاشقانه هایی برای همسرم، شعر های عاشقانه من و همسرم برای هم
اشعار عاشورایی
زمان گذشت وگذشت زمان نمی گذرد - اشعار عاشورایی - شعر: شهودی بستان آبادی- تبریز16/9/89
دستهای زیبا
زمان گذشت وگذشت زمان نمی گذرد - دستهای زیبا -
اخبار
زمان گذشت وگذشت زمان نمی گذرد - اخبار - اولين سوگواره شعر عاشورا آذربايجان شرقي در تبريز
برچسب :
شعر گذشت زمان