یار گونومی شهریار

یار گونومی گوی اسکیه دوتدی کی دور منی بوشا

جوتچی گوروبسن اوکوزه ,اکوز قویوب بیزو قوشا

سن اللینی کئچیب یاشین, من بیر اوتوز یاشیندا قیز

سویله گورک اوتوز یاشین,نه نسبتی اللی یاشا

سن یئره قویدون باشیوی من باشیما نه داش سالیم

بلکه من آرتیق یاشادیم نئیله ملی , دئدیم یاشا

بیرده بلالی باش نچون باشینا سوپورگه باغلاسین؟

بورکی باشا قویان گرک بورکونه ده بیر یاراشا

بیرده کبین کسیلمه میش سن منه بیر سوز دئمه دین

یوخسا جهازیمدا گرک گلئیدی بیر حوققا ماشا

دئدیم قضا قدر گلیب تاپیب, بیر ایشیدی اولوب گئچیب

قوربانام او آلا گوزه , حیرانام او قلم قاشا

من کی اوزومده بیر گناه گورمه ییرم چاره ندیر

پیس بشرین قایداسیدی یاخچینی تاپسا دولاشا

دوستا مروت ائتمه لی دوشمنینان گئچینمه لی

قایدا بودیر حییف دگیل بشر یولون آزیب چاشا؟

من ده سنین دای اوغلووام, سن ده منیم بیبیم قیزی

گویول باخیرسا گونشه, گوزده گرکدیر قاماشا

ایندی بیزیم مارال کیمی اوچ بالامیز واردی گرک

آتا آنا ساواشسادا اونلارا خاطیر باریشا

هرکیشی یه عیالی ده اوز جانی تک هوروکله نیب

هدیه ده اولماز ائله سین عیالی قارداش قارداشا

بو دنیا بیر یول کیمیدیر بیز آخرت مسافری

کجاوده هاماش گرک اوز هاماشیلن یاناشا

آخرتی اولانلارین دنیاسی غمسیز اولمئیوب

سئل دی گلر آخار کئچر آمما گرک آخیب داشا

مثل دی (یئرکی به رک اولور اوکوز اوکوزدن اینجییور)

هی دارتینیر ایپین قیرا یولداشیلان بیر ساواشا

بیزیمده روزیگاریمیزیاماندی بیزده عیب یوخ

بلکه وظیفه دیر بشر قونشولارینان قونوشا

حق حیات یوخ داها بیزلره چوخ بویوک باشی

زیندانیمیزدا حق قیمیز بیر باجا تاپساق تاماشا

آمما اونون شماتتی اللها خوش گلمیوبن

گئتدی منیم حیاتیمی ووردی داشا چیخدی باشا

 


مطالب مشابه :


سایت مهندس یار

well bug - سایت مهندس یار - well bug برچسب‌ها: منابع دانشگاهی, مهندس یار, رشتهای مهندسی




مهندسی ژنتیک

سرای یار - مهندسی ژنتیک - دایره المعارف علمی- روانشناسی-پزشکی وسایر اطلاعات عمومی موردنیاز




یار گونومی شهریار

مهندسی بهداشت حرفه ای - یار گونومی شهریار - هادی فردی آذرهریس - مهندسی بهداشت حرفه ای




کلیات ساختمان L.S.F- بخش اول

گروه مهندسی دقیق(دژ قصر یار قشم) - کلیات ساختمان l.s.f- بخش اول - ارائه خدمات سازه ای lsf در جزیره




مهندسی معماری

یار من شعر و دلدار من شعر - مهندسی معماری - با من از عشق بگو - یار من شعر و دلدار من شعر




یار دبستانی من :

مهندسین عمران و نخبگان ایران - یار دبستانی من : - دانستنی ها و تجربیاتى درباره مهندسی عمران




دیدگاه علمی:مزایای ساختمانهای با قاب سبک فولادی(L.S.F)

گروه مهندسی دقیق(دژ قصر یار قشم) - دیدگاه علمی:مزایای ساختمانهای با قاب سبک فولادی(l.s.f




برنامه ی فارسی یار

مهندسی عمران و معماری Civil20 - برنامه ی فارسی یار - پرتال دانشجویان و مهندسان عمران(سازه،راه و




برچسب :