ابوذیات متفرقه لمعانی متفرقه
ربح کلمن حفظ بالعمر خله
الیحضر دوم اهوه ویسد خله
الزمان اشمالعب ویاک خله
الفرح والحزن هم یگضن سویه
==================
یگلبی کل شهم کل زین مجده
اصیل و یلح علطیبات مجده
شیفید المال للی فگد مجده
المجد للواسه اخوته وگطع فیه
==================
صدیج الی یرد الحزن عنای
گصد لینه و تعنه المحل عنای
فرشناله الگلب واجفون عنای
وگله انته الوفی الیحضر خویه
==================
وحگ من بسط علعالم وساده
ماتلگه مثل گومک وساده
ارحب بالعلم وهله والساده
وحیی ابکل اصیل البیه حمیه
==================
انعشت ریتی یهل صاحب هوه انته
ابجیتک یل محب حزنی هونته
وبعد ربی ارید اشکر هونته
مع کل الشکر وتمن علیه
==================
فی رجل اسمه صابر...
اشکثر گلبی تلوعونه و صابر
ولملم دوم بجروحی و صابر
یا من یصلح احوالی و صابر
و غیض الخال احسبه امن المنیه
===================
فی رجل اسمه راضی..
علی ضاگت سمه الدنیا واراضی
ولو تزعل اجی البیتک و راضی
الحیات امی انه احسبها و راضی
و ینعم الخال یا راعی الحمیه
===================
وصل طیر السعد لینه و سرنه
وطرنه امن الفرح لیکم و سرنه
صفه عدکم تره ودنه و سرنه
ولذیذ العمر من نگعد سویه
===================
نمت یا زین یو سهران بعداک
ولومن هل بگیت النوب بعداک
ریت النوم کله ایصیر بعداک
وتضل سهران بس اترد علیه
===================
نسیم الهب علیکم من هوانه
وتره اخلافک یغاتی من هوانه
المعطلک ابدرسک منهو آنه
اترجاک لا تزعل علیه
===================
طیر السعد طیرته وردلی
وبجناحه حمل طیبک وردلی
ارید اگعد انه اگبالک وردلی
اعدد لک اهمومی ورد علیه
===================
علیک انشد علیش انگطع وصلاک
وانه ادری چواک الشوگ وصلاک
جوالی صدگ بالتاخیر وصلاک
اسمحلی یا عزیزی ورد علیه
===================
کلامک عدی مثل العسل وحله
وتراهی عیشتی ویاک وحله
سری بس علیک انتشر وحله
یدکتور الگلب رده علیه
==================
ابد ما یوم اهد ذچرک و نسلاک
یطیب طابت افروعک ونسلاک
ارخصی امعدل الشعرک ونسلاک
وبوس اتراب رجلک علوطیه
==================
یعمی ابیا بخت قلمک تهمنه
ومن تتهم تره ابزاید تهمنه
انته ولا امثالک ما تهمنه
بطل و اخصم اویانه القضیه
==================
بقلم حاج علی سعد الساری
مطالب مشابه :
اهازیج (هوسات) اهوازیه فی زفاف الاخ مسلم الشیخ داود الحمیداوی
اهازیج (هوسات) اهوازیه فی زفاف الاخ مسلم الشیخ داود
ابوذیات متفرقه لمعانی متفرقه
اشعار عربیه اهوازیه-
ابوذیات ارسلتها عبر النقال الی مخاطبین...
اشعار عربیه اهوازیه-
صبـــــــــــــــــــــــــــــــــاح الخیر یعیالی ..
اشعار عربیه اهوازیه-
أغار عليك
اشعار عربیه منتدی شعراء و ادباء نفحات اهوازیّة و منظومات
برچسب :
اشعار عربیه اهوازیه