يا امام رضا(ع)
گوگ ده آدین تا گلیر تیتره یر عرش برین
یئرده نه ده ن بیربئله منزلین اولموش درین
سن ملکوت اهلی سن ای بشرجان من
یئرده سنی حبس ائده ن نفس دیر ای نازنین
نفسی کی ائتدین اسیر عالمه اولدون امیر
مین صفتین اولدوبیر بیر ثمرین اولدو مین
نفسی مسیح و خلیل عشق ایله ائتمیش ذلیل
بخش ائله یب جبرئیل عاشقه حق الیقین
روح وضو عشق دیر سرمگو عشق دیر
واعتصموا عشق دیر عشق دیر حبل المتین
سینه ده عشق اولماسا قلبین اولار بوش کاسا
اوندا دوشرسن یاسا اولسادا فکرین درین
اولماسا عشق ای فلان حاصلی یوخدوراینان
یوز کره ن ائتسه ن بیان نعبدوا یا نستعین
کیم گوره دلبر قاشین اگمه یه باش آت داشین
اگمه دی شیطان باشین اولدو او نادان لعین
باش دئییر آت آدیمی سالما یادا یادیمی
روحووون اول خادمی تا اولا روح الامین
حسن مکمل دی روح احمد مرسل دی روح
یادائله اول حضرتی کئچ ملکوت عالمین
ای سنه شاهی فدا ایسته سن عیش و صفا
بسدی فقط مصطفی بس دی او نور مبین
عرش وجودوندا غرق رام رکابینده برق
وصفین ائده ر غرب و شرق مدحین ائده ر روم و چین
هردم اوزون ده ن نقاب آچدی او عالیجناب
آی دئدی یوز مرحبا گون دئدی مین آفرین
لشکر اونا کاف و نون منبر اونا حا و میم
شوکت اونا طا و ها دولت اونا یا و سین
سوزدانیشیب دلربا وحی ائشیدیب دلپسند
مکتب آچیب دلگشا دین گه تیریب دلنشین
جلوه سی رضوان دا دیر وارثی ایران دا دیر
ملک خراسان دادیر عالمه سالمیش طنین
قدرینه حیران قضا مدحین ائده ر مرتضی
شهرتی موسی الرضا تربتی مهر جبین
گوزگوسو آهو گوزو ضامن آهو اوزو
قرآنا قارداش سوزو دینه دایاق همچنین
یئددی گویون سالکی آلتی مین این مالکی
بئش گوزه له دین و جان دورد ملکه جان و دین
عشقی وورار قلبه داغ داغی ائده ر قلبی باغ
هم سویو ائیلر چراغ هم اودو ائیلر سرین
امرینه باغلارمیان والشجر یسجدان
قهرینه سویلر دومان یا مطرالمنظرین
باغ دا آدین دوتسا باد باغ اوخویار و ان یکاد
کیم اونو دوز ائتسه یاد اولدو من المکرمین
قلب ده اود گوزده یاش سجده یه کی قویدوباش
باشلادی ذکرین یاواش کئچدی سمادن یئیین
درگهووه ای امام تا دوزه شمع و غلام
هر گئجه اولدوزلارین چرخ ائیله یردست چین
ای عربین ارشدی ای عجمین مرشدی
سویله دایانسین زامان سسله دانیشسین زمین
وصفووه عاجزدی دیل مطلب آغیرمن خجل
مفتعلن مفتعل عهده لیک ائتسین چتین
قلبیمه ای بخش ائده ن نور و ضیا عرش ده ن
سال باشیما حشره جن کولگه سین اول دلبرین
عسگر شاهی اردبیلی
مطالب مشابه :
السلام علیک یا ابا صالح المهدی
اوندادور کی یر حــر آزاده. كوچ مدل لباس|?
ولادت با سعادت حضرت زهرا (س) * تركي
روشن ائدون یر گویی خانیم قربان حــر آزاده. كوچ مدل لباس|?
يا امام رضا(ع)
گوگ ده آدین تا گلیر تیتره یر عرش حــر آزاده. كوچ مدل لباس|?
جلسه يازدهم افتر افکت
مدل لباس. معبودا ؛ به وقتی که کی فریم ایجاد می کنیم و تصویر را حر کت می دهیم ، مسیری را
تبعیض در تعطیلات چرا ؟؟( نگاهی نقا دانه به تعطیلی روز پنجشنبه در تهران و استا نها )
مدل لباس. تبعیض در شهای اجتماعی و حر کتهای عدا موجود بوده و سا یر بلاد جا معه ، بخصو
از د وا ج مو قت، را ه حل یا پا ک کر د ن صو ر ت مسئله
مدل لباس. جهت اطلاع ت با ید قبل از هر حر کتی ، شر ا یط ا جتما جا معه پذ یر ش از د وا ج مو قت
درس و فا د ا ر ی را ا ز حیو ا نات بیا مو ز یم
مدل لباس. درس و فا د ا با پا رسهای مکرر و حر کات غیر عادی ، من را به بخشی به زندگی عشا یر
پرندگان ،و معامله نان و جان
مدل لباس. پرندگان ،و ها و رو ستا ها و عشا یر آنان غو طه ور شده تا حر ص و آز تما م نشدنی بعضی
قضیه امان نامه ***** تركي
یر یوزونن حــر آزاده. كوچ مدل لباس|?
نقدی بر سفر دولت تدبیر به استان ایلام
یر غزل، احمد مدل لباس. 6- در این جلسه ،نه فقط حق بعضی ا ز شهر ستا نها ادا نشد ،بلکه حر مت
برچسب :
مدل لباس حر یر