گلچین نوحه ودانلودهای ترکی دهه محرم قسمت(5))زبانحال حضرت امام حسين (ع) در بالين خونين اقا قمر منير ب
جهاندا وار نقدر اشناسی عباسون اوشاق بویوک هامیا وار عطاسی عباسون/
جهاندا وار نقدر اشناسی عباسون
اوشاق بویوک هامیا وار عطاسی عباسون
او سرو قامتینه یا ایکی اوزون قولینا فرحلنردی باخاندا اناسی عباسون
تولدینده گوزی دوشجگین اوزون قولینا ایدوبدی اشگینی جاری اتاسی عباسون
فدا اولوم سیزه ای عاشقان بزم عزا بیر ایش گورک اله گلسون رضاسی عباسون
ادی گلنده رعایت ایله ادب ساخلا نصیب هر کسه اولماز عزاسی عباسون
واروندی دردون ابوالفضلیدن دوا ایسته اجابته یتیشرتز دعاسی عباسون
مریضون اولسا گتور استان عباسه مریضلره یتیشرچون شفاسی عباسون
امیدیله هامی سسلر وفالی سقانی دیوله نا امید ایتمز خداسی عباسون
دولوبدی گوزلره قان صاق صولین گوره بیلمور اولیدی شیعه لر ایکاش فداسی عباسون
سارالدی رنگی حسینون الی بلینده قالوب گلنده خیمه لره تا صداسی عباسون
اوزین یتوردی حسین نهر علقمون اوسته گوروبدی جسمیده چوخدی یاراسی عباسون
اوزین سالوبدی یارالی جنازنون اوسته یواش گوروبدی گلور هی نواسی عباسون
اتوردی باغرینا باسدی یارالی قارداشینی دیدی یانندا اولیدی بالاسی عباسون
شمادت ایلوری دشمن ایاقه دور یاتما با شیوین اوسته اغولسوز حسینی اغلاتما
منی بو غملی بیاباندا تک قویان قارداش او قانلی گوزلرون اچ یاتما دور اویان قارداش
گلنده نعشوین اوسته ننوعی گلدیم من اولوبدی قارداشیوین قامتی کمان قارداش
خیامده یولوی گوزلیور رقیه بالام جواب ویر منه ای یار مهربان قارداش
وار علتی بیلورم گوزلرون اچانمورسان دولوبدی گوزلریوه لخته لخته قان قارداش
سنون بو ئولمگون عباس بلیمی سندیردی الوبدی باغریمی داغلار کیمین دومان قارداش
علی و اکبر ئو لنده نه حاله قالدیم من بو دیزلریمده منیم قالمیوب توان قارداش
سوسوزلار غمی (راجع به بسته شدن راه فرات)
*****
سلام ای تشنه لب سقا ابوالفضل
سنه قربان کسر زهرا ابوالفضل
ابوالفضل یا ابوالفضل
*****
یتیشدی هشتم ماه محرم
کسوب سو یوللارین اشرار عالم
گلوب زینب دئدی ای مونس غم
سوسوزدی عترت طاها ابوالفضل
ابوالفضل یا ابوالفضل
*****
گوزل قارداش سو یوخدی خیمه لرده
گلوب بیکس ربابین قلبی درده
دولان گوزلر قالوبدی صود امرده
قوپوب طوفان واویلا ابوالفضل
ابوالفضل یا ابوالفضل
*****
علینون ای اوجا قامت بالاسی
محبت جمعینون شمع هداسی
اوزون قوللاریوین عالم فداسی
شهید یوم عاشورا ابوالفضل
ابوالفضل یا ابوالفضل
*****
سنه عاشقلرون قربان کسللر
اسنده پرچمون دللر اسللر
وراللار عشقیوه ضرب المثللر
وفاده یوخ سنه همتا ابوالفضل
ابوالفضل یا ابوالفضل
*****
بو درد اهلی دواسین سندن ایستور
برات کربلا سین سندن ایستور
مریضلر ئوز شفاسین سندن ایستور
بو گوزلر سنده دی مولا ابوالفضل
ابوالفضل یا ابوالفضل
*****
ادون بازار عشقی ائتدی رایج
الوب عالم قاپوندان چوخ نتایج
دیر درد اهلی یا باب الحوائج
ائله پرونده می امضا ابوالفضل
ابوالفضل یا ابوالفضل
*****
قالاندی قلبوه غملر غم اوسته
قوپوب هنگامه نهر علقم اوسته
اخوب قانون سو اوسته پرچم اوسته
او حاله اغلادی دریا ابوالفضل
ابوالفضل یا ابوالفضل
*****
برگزیده از کتاب نوای کلامی
احوالات حضرت ابوالفضل علیه السلام
**********
ای حسین عاشقی گلزار تولادی بورا
دوز گلوبسن ایله جنات معلادی بورا
یاخشی بیر باخ در و دیواره غم افزادی بورا
دوزدی یثربده دگل خانه زهرادی بورا
دردون اولسا دیمرم حاذق اطبانی چاغیر
گوزووین یاشینی توک حضرت زهرانی چاغیر
*****
ویر خبر دردی اولانلاره دینن غم گلدی
باشووه باغلا قرا موسم ماتم گلدی
سینه وور سسله حسینی قره پرچم گلدی
ای دوادن یورولان ماه محرم گلدی
چاغیرون یوزلری اشکه بوروننلر گلسین
قره پرچم دالیسیجاق سوروننلر گلسین
*****
بزم تجلیل شئونات امامتدی بورا
مرکز کنگره شان و شرافتدی بورا
ایری فکر ایلمه درگاه عبادتدی بورا
گیتمه ایری قاپیا باب سعادتدی بورا
غم یمه اولسا نه اندازه اگر دردون اغیر
قلبووی پاک ایله بیر دفعه ابوالفضلی چاغیر
*****
احتیاجون وار اگر معجزه گر درمانه
متوجه ایله افکاروی نخلستانه
ساقی تشنه دوشوبدی یارالی میدانه
ساق گوزی بوسه ویروب زهریلی بیر پیکانه
سروه اوخشور اوجا قدی ولی خوللاری دوشوب
بیر یانا مشکی دوشوب بیر یانا قوللاری دوشوب
*****
کشتی عشقیدی گویا کی قالوب طوفاندا
عمرینون اولدوزی ایستور باتا نخلستاندا
ئوزینه فکر ایلمور هیچ ایله بیر بحراندا
تلین اوستونده قالوب قلبی گرو جاناندا
گوردی یوخدی یارالی قوللارینون درمانی
دوتدی تصمیمینی دعوت ایلیه مولانی
*****
یوز دوتوب تله طرف سسلدی ای شاه بصیر
منتظر دور سنه میدانیده بو عبد حقیر
دیمورم گل منی قویما ایلیه لشکر اسیر
ننووی ایستسه گویلون ئوزووی فوری یتیر
باشیم اوسته اوتوروب گوز یاشی رخساره الور
ساچلاریندان باجیمون ساچلارینون عطری گلور
*****
اوغلونون نوکرینه اولدی خانم تعزیه دار
ایستیوردی سیله گوز یاشینی اول لاله عذار
غفلتا اولدی حسین جان قره روبندی کنار
نجه تعریف ایلمیشدون یوزینون لکه سی وار
قد رعناسینی واضحدی کی غم غصه اگوب
کول منیم باشیمه اولسون یوزینه سیلی دگوب
*****
سایه لطفی علمدارووی بشاش ایلدی
گوردی احوالیمی مستوجب پاداش ایلدی
ئورگیمدن کیچنی بیلدی خانم فاش ایلدی
نوکریدیم سنه گلدی منی قارداش ایلدی
هر نه امر ایلسه دستوری مقدمدی منه
پرچمیم دوزدی یاتوب ساچلاری پرچمدی منه
*****
قارداشین الدی سسین خیمه ده سلطان انام
زینبی محضرینه ایستدی ازاده امام
گیدورم من دیدی ای خواهر مرضیه مرام
اللی ائیل منتظریدیم ایله بیل گلدی انام
بیلدیم عباسی اگر گورسه نیستانه گلر
سنی ده یوخلاماقا شام غریبانه گلر
*****
مرکبی حاضر ایله عزم ایلیوم میدانه
قوی گوروم هاردا باتوب ماه شرافت قانه
اولمیا قارداشیمون عمری چاتوب پایانه
بلکه روحی پر اچوب علقمه دن رضوانه
حقووی قارداشووا سنده ادا ایله باجی
گیت اوتور خیمه ده عباسی دعا ایله باجی
*****
زینبی تاپشروب اللهه غرض شاه ولا
تشنه قیزلارینا بیر باخدی صورا دوشدی یولا
پر اچوب مرکبین اوسته خلف شیر خدا
ایاقی التدا قویوب عرصه نی شاه شهدا
گوردی قولسوز یخلوبدی یره سرداری یاتوب
باش قویوب تپراقا غیرتلی علمداری یاتوب
*****
دئدی ای ام بنینون گل بی خاری اویان
منه گولدورمه بو میدانیده اشراری اویان
دیمورم ال نظره لشکر کفاری اویان
بلیمون سینماقینون خاطرینه باری اویان
نیه بو حاله قالوبسان سنه اصغر قربان
یارالی باشووه قارداش علی اکبر قربان
*****
سنی درس علوی جنگه زبر دست ایلیوب
غیرت اللهی علی روحووه پیوست ایلیوب
حیف اولا دشمنووی دست زمان پست ایلیوب
کیم ئوپوب لبلریوی عطری منی مست ایلیوب
قوریان لبلرووه جام لبالب قربان
کسیلن قوللاریوا غمزده زینب قربان
*****
ایستورم گوز یاشیما باشووین اوسته بویانیم
سن یانان اتش حسرتده گرک منده یانیم
گل گئدک خیمه ده سن یات ایاق اوسته دایانیم
باشووی تپراقا قویما باشووا من دولانیم
تیتریور اصغریمون لبلری مثلی بدنیم
منتظردور سنه قیزلار ایویمی یخما منیم
**********
.........................................................
اثر حسین غفاری اردبیلی کتاب برات عاشورا
احوالات حضرت ابوالفضل و زبانحال امام حسین علیه السلام
نوحه - جوشی
**********
اویان ای یار وفاداریم اویان
منی تک قویما علمداریم اویان
یولووی خیمه ده گوزلور بالالار
سنه قربان اولا قیزلاریم اویان
شرف الناسیم اویان گوزل عباسیم اویان
*****
سنه من قانه باتان ای دیرم
سینووی لاله لره تای دیرم
داش اتانلاردان اگر اولسا امان
توکرم گوز یاشی لایلای دیرم
قره معجرلریمون وای گونونه
صود امر اصغریمون وای گونونه
شرف الناسیم اویان گوزل عباسیم اویان
*****
سرویمون لطمه دگوب خوللارینا
توکولوب قانی شرف یوللارینا
سنی اکبر جانی کیمدن سوروشوم
نه گلوب قارداشیمون قوللارینا
من ئوپن قاره گوزوندن اوخ ئوپوب
داش. گوزل سینووی مندن چوخ ئوپوب
شرف الناسیم اویان گوزل عباسیم اویان
*****
دئمورم قارداشووام گویلومی ال
دئمورم دور گئدک اخیامیده قال
دیورم دشمنی گولدورمه منه
کسیلن قوللاریوی بوینوما سال
صاق گوزوندن توکولن قانه قسم
ایاقیم خیمیه گلمور قئیدم
شرف الناسیم اویان گوزل عباسیم اویان
*****
یارالی باشووه قربان اولانیم
گوزووی اچ باشیووا من دولانیم
نجه سنسیز گئدرم خیمه لره
ئوزون انصاف ائله ای قهرمانیم
گوزووه پرده چکوب قان یارالی
نیه بو حاله قالوبسان یارالی
شرف الناسیم اویان گوزل عباسیم اویان
*****
بویاما گل یوزووی گوز یاشووا
دیله گل ایله بیان قارداشووا
سنی زهرا ننمون جانی دانیش
نه اغیر یاره ووروبلار باشیووا
ئورگین اودلادیلار قارداشووین
بلیمی اگدی یاراسی باشووین
شرف الناسیم اویان گوزل عباسیم اویان
*****
اسمان باشیمه غم گردی الور
سینمی ماتمووین تیری دلور
نقدر اختارورام یوخدی ننم
باشون اوستن ننمون عطری گلور
بو مبارک ئولومین وار نه غمی
خوش سنون حالووه گوردون ننمی
شرف الناسیم اویان گوزل عباسیم اویان
*****
برگزیده از کتاب برات عاشورا اثر چهارم حسین غفاری اردبیلی
بزم عزا راجع به قمر بنی هاشم (ع)
نوحه
*****
بزم عزاده گیمیشم - قاره یا عباس
بیچاریم قیل دردیمه - چاره یا عباس
یا باب الحوائج
*****
ای پرچم حریتی - ساخلیان سردار
وی کاروان وحدته - قافله سالار
مشکلده قالسام ایلرم - ادیوی تکرار
قربان اولوم سن تک فدا - کاره یا عباس
یا باب الحوائج
ای حق مناسینده گیین - قانلی احرامی
گزدون یارالی باشیله - کوفه و شامی
حفظ ائتدی ایثارون سنون - دین اسلامی
اولدی نشان عمرون گلی - خاره یا عباس
یا باب الحوائج
کوی محبتده هانی - سن کیمی جانباز
عشق عالمینده الموسان - رتبه ممتاز
هاردا ادون سسلنمیشم - گورموشم اعجاز
ائتمه ارادت قیدیمی - پاره یا عباس
یا باب الحوائج
اند اولسون اننوندا اولان - زخم پیکانه
بیر تار مویون وئرمرم - تخت شاهانه
قانلی گوزون یاد ایلیوب گلم افغانه
دگدی سنه اغیاریدن - یاره یا عباس
یا باب الحوائج
گلچین نوحه ودانلودهای ترکی دهه محرم قسمت(5)رجز خنجر زنان عاشورا (باش یارانلار رجزی)
*،*،*،*،*،*،*،
عباس اوزی ای شیعه یاس ساخلار عزاداره
اول گئجه قبر اوسته قان اغلار عزاداره
*،*،*،*،*،*
بیز اغلاروق عباسون اول حالینه والهی
قان اغلادی بیگانه احوالینه والهی
قوللار قلم اولموشدی گل عارضی سولموشدی
شهلا گوزی عباسون القانیله دولموشدی
*،*،*،*،*،*
اخدوقجا یارالاردان القانی سیزیلداردی
گوگدن توکولن اوخلار احوالینه اغلاردی
اوخ گوزلریمه دگسه بو جانیمه منتدور
بو مشک سکینیلن اصغردن امانتدور
*،*،*،*،*،*
بیر اوخ پر اچوب گلدی ناگه صف لشگردن
ارام و توان الدی عباس دلاوردن
قوللاردان اخان قان تک سو جاری اولوب اخدی
اخدوقجا سو حسرتله سقا دولانوب باخدی
*،*،*،*،*،*
از کتاب تحفه الذاکرین
زبانحال امام حسین (ع) در بالین حضرت ابوالفضل (ع) سبک جدید
*****
علمداریم - سپهداریم - منیم وفالی یاریم
اویان یاتما - منی اتما - که یوخدی غمگساریم
ماه بنی هاشم
عزیزیم اچ گوزیوی - حسینه دی سوزیوی
دوتوبدی قان یوزیوی
قوللار دوشوب یخیلدی پرچم
دوریاتما ای پناه عالم
میداندا سینه داغلارام - ابا فاضل
باشون یاراسین باغلارام - ابا فاضل
*****
هانی مشگون - اخور اشگون - سوسوز یارالی سقا
ائدر شیون - دیر احسن - سنه شهیده زهرا
ماه بنی هاشم
غرق اولما گوز یاشیوا - ناز ائتمه قارداشیوا
قوی دولانیم باشیوا
اوخا نشاندی سجده گاهون
اوخلور منی تیر نگاهون
میداندا سینه داغلارام - ابا فاضل
باشون یاراسین باغلارام - ابا فاضل
*****
سپاهیم یوخ - پناهیم یوخ - دور ای امیر لشگر
ندور چاره - بو بی یاره - یارالیسان برادر
ماه بنی هاشم
حسینی پوزدی غمون - دوشوب یره علمون
قولون اولوب قلمون
تپراقه شرح غم یازورسان
حسینون حالینی پوزورسان
میداندا سینه داغلارام - ابا فاضل
باشون یاراسین باغلارام - ابا فاضل
**********
برگزیده از کتاب ابروی حاج ولی الله کلامی زنجانی
مطالب مشابه :
خوردگی
[ علی اولاد قره گوز] - استاديار دانشگاه تبريز - دکتراي پليمر، گروه شيمی کاربردی، دانشکده
همایش پیاده روی خانوادگی بزرگ دربندرشرفخانه
هیات جوانان حضرت علی ۱۲ ساله اهل تبریز بنام اولاد قره گوز نوه مرحوم کرم جلیلیان ۲
طوایف ترکمن 1
قره گل (karakui/QaraQul اولاد اوقتمش و تقتمش اکنون در مرو و آخال مسکن گوگلان، آل علی به جلگه های
متن ودانلودگلچین نوحه های آذری ترکی:احوالات حضرت ابوالفضل و زبانحال امام حسین علیه السلام مدح حضرت
توکرم گوز یاشی لایلای دیرم قره معجرلریمون وای گونونه علی وجودینی وقف عدالت اتمیشدی
طوایف ترکمن
3- آل علی 4- قره 5- سالور 6- ساریق 7 1- چاقر 2- بیگدلی 3- قایی 4- قره بالکان 5- قوروق 6- بایندر 7
حسینیم وای-متن نوحه ترکی اصغریم ای شیرین زبانیم
اوْلۇب اوْلاد علی گولشه‌نی ویران بۇ آختارون قره گوز بالامی اورگیم ایستیری سسین، آغلا
تقدیمی
کیم محمدی علی دن آییریر، لعنت انا جومله اولاد نبی سندن ظهور اولدو امام روستای قره
نهضت شعرسرايي براي زلزله قره داغ
نهضت شعرسرايي براي زلزله قره گوز دیدی آی غرب کشور ایران که علی رغم نرخ بالای مهاجرت
گلچین نوحه ودانلودهای ترکی دهه محرم قسمت(5))زبانحال حضرت امام حسين (ع) در بالين خونين اقا قمر منير ب
سینه وور سسله حسینی قره پرچم گلدی باشیم اوسته اوتوروب گوز یاشی رخساره غم اولاد پيغمبر
برچسب :
علی اولاد قره گوز