زبانحال علی اصغر (ع)


نوحه – حضرت علی اصغر(ع)

مهربان بالام نازلی دلبریم ای قنادی باغلی  کبوتریم

سو یرینه اوز قانینی ایچن ای دل آچمیان دلسیز اصغریم

آچ گوزون ربابون صود امر مارالی

یاتما بیر اویان دور  یاره لی غزالی

اوچ پر اوخ  بیچوب گل بوغازیوی لاله تک قیزیل قانه باتمیسان

سو ایچوب و یا راحت اولموسان دینجلوب بو نوعیله یاتمیسان

گوزلرون فداسی اولوم اوغول یا بو بیکسی گوزدن آتموسان

بیرده آچ گوزون باخ علی منه اود دوتوب یانور قلب  مضطریم

سو یرینه اوز قانینی ایچن ای دل آچمیان دلسیز اصغریم

اولمادی صودیم اوچ گیجه گوندوز سن سیزیلّلادون منده آغلادیم

خیمه لرده من بیر ایچیم سنه سو تاپانمادیم سینه داغلادیم

چاره تاپمادیم اللرون قویوب عاقبت قماط ایچره باغلادیم

باغلیاندا من اللرون سنون کاش اوغول سینیدی بو اللریم

سو یرینه اوز قانینی ایچن ای دل آچمیان دلسیز اصغریم

چالدی عمریمون جام عشقینی ظلم الیله دست قضا داشا

آفتاب صبح امیدیمی قویمادی یتیشسون فلک باشا

اولدی دهریده عمرون آلتی آی سنّون حیف اولا یتمدی یاشا

صرصر جفا ئیله آچماموش پرپر اولدی سولدی صنوبریم

سو یرینه اوز قانینی ایچن ای دل آچمیان دلسیز اصغریم

گلشن صفایه علی قالوب نازیله وفا تیری ساچمادون

گورمدوم اقلا دانیش ماقون حیف ناز دانم دل آچمادون

صود امر اوشاقلار کیمی اوغول دوتمادون ایاق بیر جه قاچمادون

قالدی دیلده بو حسرتیم منیم تا ئولونجه ای نیک منظریم

سو یرینه اوز قانینی ایچن ای دل آچمیان دلسیز اصغریم

هر مارالین اوخلانسا سویگولوم صود امر بالاسی یانار ملر

ناله سی ایدر عالمه اثر تیر آهی قلبی اوغلی دلر

تا ئولونجه سن تک سیزیلیوب سیل تک ئوزه گوز یاشون الر

آلگیلان بالامون دیر اوزون انتقامون ای حی داوریم

سو یرینه اوز قانینی ایچن ای دل آچمیان دلسیز اصغریم

کینۀ زمانه ایدوب اوغول بختیمون ایوین گور نیجه خراب

سن سو ایستدون ویردی حرمله ناز گلوم سنه تیریله جواب

تشنه لب سوسوز قانه باتماقون ایلیوب آنان قلبینی کباب

هانسی سمته روحین قوشی اوچوب ای سمای عزتده اختریم

سو یرینه اوز قانینی ایچن ای دل آچمیان دلسیز اصغریم


نوحه حضرت علی اصغر (ع)

ای مهربان عمو جان اصغر یانور عطشدن

بو قوللاریوه قربان  اصغر یانور عطشدن

قان اولدی قلب زاریم سو یوخدی خیمه لرده

صولدی بو گل عذاریم سو یوخدی خیمه لرده

گل ایله ایندی احسان اصغر یانور عطشدن

ای معدن کرامت طوفاندی کربلاده

بیلمم نه واردی عمم گریاندی کربلاده

قربانون اولّام اصغر عطشاندی کربلاده

قان اولدی قلبیم الان اصغر یانور عطشدن

ای دین حق فداسی سقای مهربانسان

بو گوزلریم ضیاسی سقای مهربانسان

بو قوللارون فداسی سقای مهربانسان

بو چولده یوخ مسلمان اصغر یانور عطشدن

من نیلرم بو چولده ای روح پاک ایمان

قان آغلارام  ئولونجه قارداشیم ئولسه عطشان

باغلاندی راه چاره عطشاندی بیر گلستان

گلدیم بو دشته میهمان اصغر یانور عطشدن

ای صود امریم آغلاما  یات قوی سحر اولسون

قویما آناوین زحمتی اوغلوم هدر اولسون

آتسوندا منی سن که سنی آتمارام اوغلوم

لای لای چالارام صبحه کیمین یاتمارام اوغلوم

بی کس آناوی ائتمه گونی قاره علی جان

دیر ناخلارون ائتدی دوشومی یاره علی جان



شهادت حضرت علی اصغر(ع)

زینبیم کوفه لیلر         حالیمیزی یوخلادیلار

صود امر اوغلومی میداندا سوسوز اوخلادیلار

گل آپار یاره سینی باغلا باجی

آنالار تک بالا ما     آغلا باجی

علی اکبر کیمی بیر دسته قیزیل گولدی بالام

گر چه قانه بویانوبدی گینه   خوشگلدی بالام

گوردی حالیم پوزولوبدی  گولوشور  کوفه لیلر

قهرمانلار کیمی بیر باخدی اوخا گولدی بالام

گل آپار یاره سینی باغلا باجی

آنالار تک بالا ما      آغلا باجی

گوزلرین آچدی دیدی اولما پریشان باباجان

یارالی اصغرون اولسون  سنه قربان بابا جان

گوزوین یاشینی سیل غیرتیم ئولدوردی منی

بئلوی اگمه آماندی سنی قربان بابا جان

حرمله بیلمدی اصغر نجه کویچک بالادی

گوزلری اکبریمون گوزلرین مثلی آلادی

ایله کی اوخ بوغازین بیچدی باش آخدی دالیا

ئورگیم باشینی یاندیردی دوداقین یالادی

گل آپار یاره سینی باغلا باجی

آنالار تک بالا ما     آغلا باجی

یولما قا زلفوی قیزلاره        دی آماده اولون

باغلامیدی آناسی کاش باجی قنداقه قولون

ساچیوی آل الووه ایسته ئولوم قارداشیوا

ایستوردی چیخا جان اوخ ولی کسمیشدی یولون

گل آپار یاره سینی باغلا باجی

آنالار تک بالا ما     آغلا باجی

دیدیم اوغلوم یری وار آتش هجرونده یانیم

گولون اولسا بو آخان قانیوه منده بو یانیم

گوزیوی یوم یوخو سوز سان یوخی گلسون گوزیوه

باشیوی قوی سینمه یات باشوا من دولانیم

گل آپار یاره سینی باغلا باجی

آنالار تک بالا ما     آغلا باجی

آناسین رام ایله چوخ سینه سینی داغلاماسین

دایانوب گوز گوزه لشکر اوجادان آغلاماسین

بلینده آنالار قونداقا دیلسیز اوشاقی

آنا ایکاش بالانون اللرینی باغلاماسون

گل آپار یاره سینی باغلا باجی

آنالار تک بالا ما     آغلا باجی

 

شهادت حضرت علی اصغر (ع) نوحه - جوشی

الیمین اوستونده    بالام قانه باتدی

گل آل مندن زینب سوسوز طرلانی

بویانوبدور قانه      گور چینلر مثلی

ربابون ششماهه       گوزل جیرانی

آناسیندان آلدیم آپاردیم میدانه

دیدیم ای انسانلار بالام عطشاندی

گله بنذر اوغلوم سارالوبدی رنگی

سوسوزدی اوچ گوندی  عطشدن یاندی

سوزومی آغزیمدا سه پر پیکان قویدی

بوغازیندا دگدی آیوردی باشین

ایله بیلدیم زینب ابوالفضلین بیرده

منیم ئوز یانیمده گوزی اوخلاندی

قوجاقیمدا باشین اوّل دوتدوم آرام

صورا محکم اوخدان یاپیشدیم زینب

بوغازیندان چکدیم سه شعبه پیکانی

یاراسیندان ئوپدوم آلیشدیم زینب

گوزین آچدی گولدی دیدی غمگین اولما

سنه قربان بابا یارالی اوغلون

ایله بیل کوسمیشدی ربابون جیرانی

دوداقیندان ئوپدوم باریشدیم زینب

بو غمی داشلاردا یازاردیم صحراده

الیمده میداندا قلم اولسیدی

الیمون اوستوندن آلاردی زینب جان

بو اوخلی قربان ننم اولسیدی

گزورم آواره ئولوبدی قارداشیم

گولور دشمن نیلوم علاجیم یوخدی

بو چتین ساعتده منی تک قویمازدی

اگر الان صاحب علم اولسایدی

بلگینده اسدی دگنده اوچ بیر اوخ

نجه گلشنلرده اسر ریحانلار

ایله بیلدیم یرده کسوبلر قربانلیق

مناده حاجیلر کسر قربانلار

بو قوزی قربانی قوجاقیمده امّا

سوسوز کسدی دشمن چراغیم سوندی

یری وار بو غمدن توکه گوزدن قان یاش

دیه لای لای اصغر سوسوز جیرانلار

ایله کی گوز یومدی دیدیم لای لای اوغلوم

باجون گوزلور الان یوبانسون آغلار

یاره وی آهسته آچار باشدان معجر

دیر لای لای اصغر رقیم باغلار

ئورگیمدن اما دگوبدی بیر یاره

تاپولماز درمانی یارام باغلانماز

بو یارالی قلبین باجیم محمللرده

دیر یاندیم قارداش عزاسین ساخلار

عمریم حیاتیم علی       شور و نشاطیم علی

لای لای سینه مون گولی  ئیللریمه سو گولی

طرّرسی تل تل ایپک دوشلوگی قانلی چیچک

گتدون سویا گلمدون من اولدوم قاره لئچک

سنون یتیشمز سانا        بنذر بویون جیرانا

هجرون آلوب جانیم    قالمیشام یانا یانا

فلک وفا یوخلاماز      غملی نوا ساخلاماز

اوغلی اولن آنانون     آغلار گوزی یوخلاماز

بوش بشیگون بزرم    اوستونه گول دوزرم

چوئلری سندن ساری           ملرملر گزرم

عشقیوین دلبندیم           درده پناهندیم

قول باغلی اولمگوندن    ئولونجه شرمندیم

اقبالیمون اولدوزی    عمریمون دادی دوزی

کیم گوروبدی اوخلانا  سن بویدا املیک قوزی

اوره گیمون پاره سی     غملریمون چاره سی

باغلانمادی اصغریم         بوغازیوون یاره سی

من گول اکوب درمدیم اوغول دادین بولمدیم

های دوشدی اوخلان موسان اوخ یاره وی گورمدیم

باغلی قالوب اللرون پارچالانوب لبلرون

گولمدی بیرگون منه اوخا گولن لبلرون

غملریمی سانارام زلفلریمی یونارام

گهواره وی تر پدوب لای لای چالوب یانارام



زبانحال حضرت علی اصغر از زبان ماد

آهو کیمی ملرم قان یاش یوزه الرم

سنی سالوب یادیمه قونداق آچوب بلرم

اولدوز گویه دوزولر خمار گوزلر سوسزولر

آهو ملر سس گلر منیم قلبیم اوزولر

آننوندا قاره تئلون  گورمدیم شیرین دئلون

قالدی سندن یادگار سینمده دورناق یرون

گوندوز گئجه آغلارام اورک باشین داغلارام

گلسون منیم سینمه اوخ یاره وی باغلارام

سینوب منیم شهپریم قان اولوب اشک تریم

سو ایچمیشم صود گلور الو لیور دوشلریم

باخچادا گول درمیشم دلبره گوندرمیشم

بیر اولان اللهیمه سنی قربان ویرمیشم

فلک دانوب دوزومی باتیروب اولدوزومی

تاری قبول ایلسون منیم املیک قوزومی


مطالب مشابه :


متن نوحه های ترکی آذری

متن نوحه های ترکی آذری نوحه های ترکی - دانلود نوحه علـی لای‌لای بــالام




متن ودانلودگلچین نوحه های آذری ترکی:احوالات حضرت ابوالفضل و زبانحال امام حسین علیه السلام مدح حضرت

دانلود نوحه ی ای قلم با صدای استاد قوی لایلای دئسون رقیه بالام مهربان قوناقه




نام نوحه: زبانحال امام در شهادت حضرت علی‌اصغر اثر:حاج حسین غفاری اردبیلی

(تلاشگری مهربان در دانلود نوحه های ترکی زینبیـم گـل بـالام قانه باتدی




زبانحال علی اصغر (ع)

از حضرت آیت الله خامنه ای دانلود نوحه مهربان بالام نازلی مهربان عمو جان




نام نوحه: زبانحال قمر منیر بنی هاشم (ع):

(تلاشگری مهربان در برآوردن نوحه های ترکی - دانلود نوحه بالام یاتوب راحت اولوب




مداحي "حاج شهروز حبیبی"

در شنبه هفتم خرداد ۱۳۹۰ ساعت 17:53 موضوع دانلود دانلود مداحی ترکی و




نام نوحه: استمداد جناب مسلم (ع) -اثر: مرحوم مضطراردبیلی

(تلاشگری مهربان در برآوردن حاجات نوحه های ترکی - دانلود نوحه علـی لای‌لای بــالام




محرم رازیم الله - بنده نوازیم الله اولدی الیمده پرپر - غنچه ی نازیم الله

(تلاشگری مهربان در برآوردن حاجات نوحه های ترکی - دانلود نوحه دوشدی بالام فشاره




برچسب :