آتا شعری«تقدیم اولور بابک اسلامی جنابلارینا»

آتا

داغ چکدین سینه مه اوجا داغ بویدا

سویکه نه جک بیرداغ ایدین سن آتا

بیلیرسن می ؟ نئجه سن سیزلمیشم

نئجه کئچه جک دی سنسیز گون آتا !

تئز یاتیرام سن یوخوما گله سن

ال لرونان گوز یاشیمی سیله سن

من گولنده سنده منله گوله سن

خاطیره لر اولمویایدی سون آتا

نیلییم کی ال لریمیز اوزولدی

شمع باشینا پروانه لر دوزولدی

گوزیاشلاری گوزلریمدن سوزولدی

آخیر اورگیمدن سئل تک قان آتا

داریخیرام سنی گوره بیلمیرم

کیم سه دن عنوانین سورا بیلمیرم

آیریلیق دان چتین یارا بیلمیرم

ائشیدنین گوزلری گریان آتا

بوگون شهریاردی همدمین سنین

آغریداجاق اولکه نی غمین سنین

آیدین اولار یقین مبهمین سنین

یاسه باتیب اولی ساوالان آتا

گئجه گئتدی گوندوز لره قوشولدون

سای حساب سیز سن یوزلره قوشولدون

قطره ایدین دنیز لره قوشولدون

کوکره یه جک آراز کیمین خان آتا

سنده حمید بیردوستی بیر میلت سان

ائله دایاق اولار شاعر هرزامان

اونودولماز باریز کیمین بیر انسان

ائل دایاغی ، یاسلی ساوالان آتا

یاشیل خیال - ژاک پره وردن بیر شعر - شعر، داستان،مقاله، نقد، فولکلور و - یاشیل خیال

یاشیل خیال - گوله- گوله/ترجمه شعر بدرود از مجموعه هوای تازه (احمد شاملو) - شعر، داستان،مقاله

یاشیل خیال - حسرت/رامیز روشن - شعر، داستان،مقاله، نقد، فولکلور و - یاشیل خیال

یاشیل خیال - قیسا شعرلر/مقصود تقی زاده هریس(نیسگیل) - شعر، داستان،مقاله، نقد، فولکلور و

یاشیل خیال(نیسگیل) امیدعلی شیخی(شاعر -مدرس دانشگاه) rss . powered by blogfa.com

همان زماندا، من ده "یاشیل خیال" عنوانیندا تورک صفحه لری نین دولاندیرانی کیمی چالیشیردیم.