شجاعت حضرت ابوالفضل (ع) ***** تركي
کوفه نین اهلی نجه ظلمونی گور بیلدیردی
سینه لردن شرف آثارینی چون سیلدیردی
بیر یاریم گونده اله ظلم الدی اهل دیله
کی بو ظلمون اثرینده هامی گلموشدی دیله
ائدیلر قانینه غلطان شرف الناسیلری
یانمادی هش اولارا ذره ده احساسیلری
کوفه اهلی الدی ظلمونی بیر گونده عیان
اولان اولدی ؛ ئولن ئولدی او بیاباندا اینان
بیرزمان اولدی ئولن ئولدی قالانلار آزالوب
قاریشیب آتلی پیاده او چولی دشمن آلوب
بیر طرفده نچه مین دشمن خونخوار قالیر
بیر طرفده صودامر؛ شهله ؛ علمدار قالیر
گلدی عباس علی خدمت شاه زمنه
دئدیرخصت وئراوزون ای باشیمون تاجی منه
عرصه نی دشمن آلوب قورخوشور ازدم بالالار
قویما دشمن بالالار قلبینه وحشت سالالار
منه وئر اذن گئدیم باغلاما دای اللریمی
بونان آرتیخ بئله آغلاتما شها گوزلریمی
اکبرین نعشینه دوشدوخجه گوزوم اوتلانیرام
عرصه ده قاتلینی هی گورورم من یانیرام
چوخ دایانسام بولورم کاسه قلبیم جالانار
قویماسان ایندی گئدم جنگه بو قلبین دایانار
سن کی واقف سن اوزون پور یدالله منم
شیر آماده جنگ اسدالله منم
بچه شیرم هامی دشمن منه روباه کیمی
توکرم تپراقا ازدم اولاری کاه کیمی
القرض وئردی اجازه ؛ سویونوب یاس علی
سس دوشوب دشمن ایچینده گئدورعباس علی
زینبی گوردی اودم دوشدی یره مرکبدن
الینی اوپدی حلالییت آلوب زینبدن
گوردی زینب کی گئدور جنگه پرستوی علی
دئدی بیر لحظه دایان ای ایکی عالم گوزلی
دئدی بو سینه یانیر قویما بئله بیرده یانا
بیرجه ایلش باشیوا زینب کبرا دولانا
دولانوب باجی اودم قارداشینون تئز باشینا
ئولممیش نوحه دئدی قدی رسا قارداشینا
یاندی عباسیده اوندا باجینون نوحه سیبنه
بیربولوک عورت اوشاق تئز یغیشیبدوره سینه
بیری آغلوردی اماندی بیزی تک قویما عمو
بیری سویلوردیاینان خیمده قالمور داخی سو
بیری سویلوردی بیزی دای بئله یاندیرما اخا
ئولمگین بیزلر بو نوعی ایناندیرما اخا
القرض آیریلوب ائلردن ابوالفضل علی
آتینا میندی چاپوب ام بنینون گوزلی
تلیدن عرصیه باخدی اوزمان یاس
علی دشمنه چاتدی خبر کی گلور عباس علی
راوی نقل ایلوری سردار حسین تلی آشوب
آیری بیر منظره دی آتلی پیاده قاریشوب
گلنی جوت بولوری ؛ بیر ایکییه تقسیم اولور
ئولنی ئولدوروراما قالانین رنگی سولور
اله غوغا یارادوب جنگیده ؛ طوفان الدی
گلنی هم قاچانی قانینه غلطان الدی
اکبرین قاتلینی تاپدی قانین آلدی اودم
قاتلین لاشه سینی آت دوشونه سالدی اودم
بیر به بیر هر شهیدون آلدی قانین یار حسین
اولموشام چونکی دئدی حیدر کرار حسین
راوی نقل ایلییوری نهره ساری گئدی آقام
جنگیدن چکدی الین القمی قصد ائدی آقام
فکرینی جمع الیوب تا یتیشسون القمه
بیر سوزی گوردوم ائدوردی لبلرینده زمزمه
چوخ سویوردوم کی بولم ایندی اونون فکری ندور
تئز یاخونلاشدیم گورم دیلده اونون ذکری ندور
جنگ ائدوردی سویلیوردی اولموشام بی واهیمه
هی قیلیش وئردوخجا سسلوردی مدد یا فاطمه
دیلده یا زهرا دیوردی باش و جانینن کچوب
بیر زمان گوردیبوتون اشراری یاپراق تک بچوب
کیم حریف اولدی اونا فورا دوشوردی تپراقا
هی دیوردی اکبر و قاسم قانین آلدیم آقا
کیمسه ده یوخدی توان عباسینن جنگ ایلیه
ضربه عباسه شمشیرین هماهنگ ایلیه
راوی سویلوردی اله حالتده جنگ ائدی آقام
عرصه ده جنگاتمگی اشراره اورگئدی آقام
جنگینه باخدوخجا حیدر فخر ائدوبدی شیرینه
کافر ئولدوردوخجه تئزبوسهوئرور شمشیرینه
اوز اوزومده هی فکر شدیم بونا علت ندور
دسته شمشیرینی تئز تئز آقام بوسه ائدور
قبظه شمشیری اوپجک هی اولور بی واهیمه
دسته شمشیریده گوروم یازوب یافاطمه
مطالب مشابه :
حضرت زينب (س) تركي
حضرت زينب (س) تركي. حضرت علي اصغر نوحه باب الحرم پایگاه متن و روضه و اشعار
متن نوحه در مورد حضرت فاطمه(س)
جايگاه علمي و مقام روايي بانو حضرت زينب(سلام الله عليها) متن نوحه در مورد حضرت فاطمه(س)
متن نوحه حضرت امام حسين (ع)/آب می گوید حسین ، بی تاب می گوید حسین
» شعر ولادت حضرت زينب / امشب از اوج آسمانها نور نوحه محرم; شعر و متن
دانلود نوحه های جدید ترکی و آذری ویژه محرم 89
» شعر ولادت حضرت زينب / جلوه عشق نوحه محرم; شعر و متن
مدح حضرت ابوالفضل (ع) ***** تركي
مدح حضرت ابوالفضل (ع) ***** تركي آغليـوب نوحه لره درديوي ده گوز
مداحي زيباي تركي آذربايجاني در وصف و شهادت حضرت رقیه (س)
دانلود نوحه تركي شهادت پيامبر اكرم, دانلود نوحه تركي شهادت حضرت زينب متن نوحه.
نوحۀ حضرت موسی بن جعفر ع
نوحه تركي-فارسی ياد سر گرداني زينب سر ِ بازار بودم نوحۀ حضرت موسی بن جعفر ع (1)
شجاعت حضرت ابوالفضل (ع) ***** تركي
شجاعت حضرت ابوالفضل (ع) ***** تركي ئولممیش نوحه حضرت زينب (س) حضرت معصومه
برچسب :
متن نوحه تركي حضرت زينب